andhrapradesh
కేంద్ర మంత్రి, ఎమ్మెల్యేలను మర్యాదపూర్వకంగా కలిసిన పాసి గంగుపేట ఎంపీటీసీ బత్తల త్రివేణి.
పాతపట్నం నవంబర్ 10,మేజర్ న్యూస్:
పాతపట్నం మండలం పాసి గంగుపేట ఎంపీటీసీగా ఇటీవల ఘన విజయం సాధించిన బత్తల త్రివేణి కేంద్ర పౌర విమానయాన శాఖ మంత్రి కింజరాపు రామ్మోహన్ నాయుడుతో పాటు పాతపట్నం శాసనసభ్యులు మామిడి గోవిందరావులను వేర్వేరుగా మర్యాదపూర్వకంగా కలిశారు. ఈ సందర్భంగా ఎంపీటీసీగా ఎన్నికైన త్రివేణి వారికి పుష్పగుచ్ఛాలు అందించి కృతజ్ఞతలు తెలుపగా, కేంద్ర మంత్రి రామ్మోహన్ నాయుడు, ఎమ్మెల్యే గోవిందరావులు ఆమెను శాలువాతో సత్కరించి శుభాకాంక్షలు తెలియజేశారు. గ్రామాభివృద్ధికి, ప్రజా సమస్యల పరిష్కారానికి ఎల్లప్పుడూ అండగా ఉంటామని, నియోజకవర్గ ప్రగతిలో భాగస్వామ్యమై ప్రజాసేవలో ముందుండాలని వారు ఆమెకు సూచించారు.
