కేంద్ర ఎన్నికల కమిషనర్ రాజీనామా చేయాలి పొట్టిపాటి చంద్రశేఖర్ రెడ్డి

చెన్నూరు మేజర్ న్యూస్: 

ఓటర్ల జాబితా సవరణలో (ఎస్‌ఐఆర్‌) జరిగినట్లు ఆరోపిస్తున్న అవకతవకలకు బాధ్యత వహిస్తూ కేంద్ర ఎన్నికల కమిషనర్ జ్ఞానేశ్ కుమార్ మిశ్రా వెంటనే రాజీనామా చేయాలని ప్రదేశ్ కాంగ్రెస్ కమిటీ సభ్యుడు పొట్టిపాటి చంద్రశేఖర్ రెడ్డి డిమాండ్ చేశారు.మంగళవారం ఆయన విలేకరులతో మాట్లాడుతూ ఎన్నికల కమిషన్ కేంద్ర ప్రభుత్వ కనుసన్నల్లో పనిచేస్తోందని ఆరోపించారు. కేంద్రంలో బీజేపీకి, రాష్ట్రంలో టీడీపీకి రాజకీయంగా లబ్ధి చేకూరే విధంగా ఓటర్ల జాబితా రూపొందించారని ఆయన ఆరోపించారు. ఎన్నికల కమిషన్ రాజకీయాలకు అతీతంగా పనిచేయాల్సి ఉన్నప్పటికీ, కొన్ని పార్టీలకు ప్రయోజనం కలిగేలా వ్యవహరించడం సరికాదన్నారు.ఓటర్ల జాబితా సవరణలో జరిగిన అక్రమాలపై కాంగ్రెస్ జాతీయ నాయకుడు రాహుల్ గాంధీ ఆధ్వర్యంలో చేపట్టే ఆందోళనల్లో తామంతా పాల్గొనేందుకు సిద్ధంగా ఉన్నామని తెలిపారు. ఇప్పటికైనా ఎన్నికల కమిషనర్ స్పందించి, ఓటర్ల జాబితా సవరణలో జరిగిన అవకతవకలపై సమగ్రంగా విచారణ జరిపించాలని, బాధ్యత వహిస్తూ పదవికి రాజీనామా చేయాలని పొట్టిపాటి చంద్రశేఖర్ రెడ్డి డిమాండ్ చేశారు.