కడప జిల్లాలో జనసేన పార్టీ బలంగా ఉన్నచోట్ల ఎంపీటీసీ జడ్పిటిసి ఎన్నికలకు నామినేషన్ దాఖలు చేయాలి

పార్టీ బలంగా ఉన్న ప్రాంతాల్లో జనసేన అభ్యర్థులు తప్పనిసరిగా నామినేషన్లు దాఖలు చేయాలి: 

స్థానిక సంస్థల ఎన్నికల్లో ఆశావహులకు అండగా ఉంటాం 

 కడప పార్లమెంట్ నిర్వహణ దళ సభ్యుడు శివ గోవిందుగారి

 కడప, ప్రతినిధి, వేణు.

కడప జిల్లాలో  స్థానిక సంస్థల ఎన్నికల్లో జనసేన పార్టీ బలంగా ఉన్న ప్రాంతాల్లో ఎంపీటీసీ, జడ్పీటీసీ స్థానాల నుంచి పోటీ చేయాలనుకునే ఆశావహ అభ్యర్థులందరూ తప్పనిసరిగా నామినేషన్లు దాఖలు చేయాలని కడప పార్లమెంట్ నిర్వహణ దళ సభ్యుడు శివ గోవిందుగారి గురువారం పిలుపునిచ్చారు.

జనసేన పార్టీ నాయకులు, వీరమహిళలు, జనసైనికులు గ్రామస్థాయిలో పార్టీని మరింత బలోపేతం చేసేందుకు కృషి చేయాలని ఆయన కోరారు. పార్టీకి ప్రజాదరణ, గెలుపు అవకాశాలు ఉన్న ప్రాంతాల్లో పోటీకి సిద్ధంగా ఉన్న అభ్యర్థులు ముందుకు రావాలని సూచించారు.

ఈ ఎన్నికల ప్రక్రియలో ఆశావహ అభ్యర్థులకు పార్లమెంట్, అసెంబ్లీ నియోజకవర్గాల సమన్వయకర్తల ద్వారా అవసరమైన సహకారం అందించేందుకు తాము సిద్ధంగా ఉన్నామని శివ గోవిందుగారి తెలిపారు.

మీకు ఎలాంటి సహకారం కావాలన్నా మేము మీకు అండగా ఉంటాం. పార్టీ కోసం పనిచేసే ప్రతి జనసైనికుడికి ప్రోత్సాహం అందిస్తూ, స్థానిక సంస్థల్లో జనసేన బలాన్ని పెంచేందుకు కలిసికట్టుగా ముందుకు సాగుదాం” అని ఆయన పిలుపునిచ్చారు.

గ్రామస్థాయిలో పార్టీ బలోపేతమే లక్ష్యంగా నాయకులు, కార్యకర్తలు సమన్వయంతో పనిచేస్తూ, రాబోయే ఎన్నికల్లో జనసేన పార్టీ విజయావకాశాలను మెరుగుపరిచేందుకు కృషి చేయాలని ఆయన ఆకాంక్షించారు.