కావలి మున్సిపల్ చైర్మన్ రేసులో కండ్లగుంట మధుబాబు నాయుడు.. రాజకీయ వర్గాల్లో జోరుగా చర్చ!
కావలి, మేజర్ న్యూస్ : కావలి మున్సిపాలిటీ చైర్మన్ పీఠం చుట్టూ రాజకీయ చర్చలు ఆసక్తికరంగా మారుతున్నాయి. మున్సిపల్ చైర్మన్ పదవిని ఓసీ జనరల్ కేటగిరీకి కేటాయించడంతో ఆశావహుల పేర్లు తెరపైకి వస్తున్నాయి. ఈ క్రమంలో కండ్లగుంట మధుబాబు నాయుడు పేరు రాజకీయ వర్గాల్లో ప్రముఖంగా వినిపిస్తోంది. సేవా కార్యక్రమాలతో ప్రజలకు చేరువైన వ్యక్తిగా, రాజకీయంగా తనకంటూ ఒక ప్రత్యేక గుర్తింపు సంపాదించుకున్న నాయకుడిగా ఆయన గురించి చర్చ సాగుతోంది.
సేవే లక్ష్యంగా.. ప్రజలతో మమేకమైన ప్రస్థానం! కరోనా మహమ్మారి సమయంలో ప్రజలు ఎన్నో ఇబ్బందులు ఎదుర్కొన్న వేళ.. 'సేవ్ కావలి' పేరుతో పలు సేవా కార్యక్రమాలు నిర్వహించడంలో మధుబాబు నాయుడు కీలక పాత్ర పోషించారు. సంక్షోభ సమయంలో ప్రజలకు అండగా నిలవాలనే లక్ష్యంతో చేపట్టిన ఈ కార్యక్రమాలు ఆయన సామాజిక సేవా ప్రస్థానంలో ముఖ్యమైన అంశాలుగా నిలిచాయి. రాజకీయాలకు అతీతంగా ప్రజా సమస్యలపై స్పందించే వ్యక్తిగా ఆయనకు గుర్తింపు ఉందని ఆయన అనుచరులు పేర్కొంటున్నారు.
రామాయపట్నం పోర్టు సాధనలోనూ తనదైన పాత్ర! నెల్లూరు జిల్లా తీర ప్రాంత అభివృద్ధికి కీలకంగా భావించే రామాయపట్నం పోర్టు అంశంలోనూ మధుబాబు నాయుడు తన వంతు కృషి చేశారు. రామాయపట్నం పోర్టు సాధన కమిటీ పేరుతో లక్ష సంతకాల సేకరణ కార్యక్రమాన్ని చేపట్టి, పోర్టు ఆవశ్యకతను ప్రజల్లోకి తీసుకెళ్లేందుకు ప్రయత్నించారు. ఈ కార్యక్రమం ఆయన ప్రజా సమస్యలపై చేపట్టిన కార్యాచరణలో ప్రత్యేకంగా ప్రస్తావించదగిన అంశం.
ఎమ్మెల్యే కావ్య కృష్ణారెడ్డికి సన్నిహితుడు! కావలి ఎమ్మెల్యే కావ్య కృష్ణారెడ్డికి మధుబాబు నాయుడు అత్యంత సన్నిహితుడిగా రాజకీయ వర్గాల్లో గుర్తింపు ఉంది. ఈ నేపథ్యంలో మున్సిపల్ చైర్మన్ పదవికి సంబంధించి ఆయన పేరు చర్చకు రావడం ఆసక్తిని రేకెత్తిస్తోంది. అయితే చైర్మన్ అభ్యర్థి ఎంపికలో పార్టీ అధిష్ఠానం, స్థానిక నాయకత్వం తీసుకునే నిర్ణయమే కీలకం కానుంది.
పదవి ఏదైనా.. పనితీరే అసలైన గుర్తింపు! ప్రజా జీవితంలో పదవి అనేది బాధ్యతకు ప్రతీక. ఆ బాధ్యతను సమర్థంగా నిర్వహించి ప్రజలకు ఉపయోగపడినప్పుడే నాయకుడికి నిజమైన గుర్తింపు లభిస్తుంది. ఈ నేపథ్యంలో కండ్లగుంట మధుబాబు నాయుడు గతంలో సోమశిల ప్రాజెక్ట్ చైర్మన్ గా గతంలో పనిచేయడం, రాజకీయం గా ఏ పదవి చేపట్టిన ఆ పదవీకే వన్మే తెచ్చేలా ఆయన పనితీరు ఉండడం. నిజాయితీకి మారుపేరుగా కండ్లగుంట నిలిచారు. ఈ నేపథ్యంలో కావలి మున్సిపాలిటీ చైర్మన్ పదవి దక్కితే కావలి పట్టణ అభివృద్ధి, పారిశుద్ధ్యం, తాగునీరు, రహదారులు, డ్రైనేజీ వంటి మౌలిక సమస్యల పరిష్కారంపై ఆయన ఎలాంటి ప్రాధాన్యత ఇస్తారన్నది ఆసక్తికరంగా మారనుంది.
చైర్మన్ పీఠం.. నిర్ణయం ఎటువైపు? ఓసీ జనరల్ కేటగిరీకి చైర్మన్ పదవి కేటాయింపు నేపథ్యంలో కావలి మున్సిపల్ రాజకీయాల్లో కొత్త సమీకరణాలు తెరపైకి వస్తున్నాయి. సేవా కార్యక్రమాల నేపథ్యం, రాజకీయ పరిచయాలు, స్థానికంగా ఉన్న గుర్తింపు వంటి అంశాల కారణంగా కండ్లగుంట మధుబాబు నాయుడు పేరు చర్చలో నిలుస్తోంది. అయితే రాజకీయ వర్గాల్లో పేరు వినిపించడం ఒక ఎత్తయితే.. అధికారికంగా అభ్యర్థిత్వం ఖరారు కావడం మరో ఎత్తు. పార్టీ నాయకత్వం తీసుకునే నిర్ణయం, స్థానిక రాజకీయ పరిణామాలు ఈ రేసులో కీలకం కానున్నాయి. మొత్తంగా.. కావలి మున్సిపల్ చైర్మన్ పీఠం చుట్టూ సాగుతున్న చర్చలో కండ్లగుంట మధుబాబు నాయుడు పేరు ఆసక్తికరంగా మారింది. సేవా ప్రస్థానం ఆయనకు గుర్తింపు తీసుకొచ్చిన నేపథ్యంలో, చైర్మన్ రేసులో ఆయన రాజకీయ ప్రయాణం ఎలాంటి మలుపు తిరుగుతుందన్నది వేచి చూడాలి.
