స్థానిక సంస్థల ఎన్నికలు సజావుగా నిర్వహించాలి

నెల్లూరు సిటీ,మేజర్ న్యూస్ :    నెల్లూరు నగర కార్పొరేషన్ ఎన్నికలతో పాటు ఉమ్మడి నెల్లూరు జిల్లాలోని అన్ని నియోజకవర్గాల్లో జరగనున్న స్థానిక సంస్థల ఎన్నికలను సజావుగా నిర్వహించాలని కోరుతూ వైఎస్సార్ కాంగ్రెస్ పార్టీ నాయకులు జిల్లా కలెక్టర్‌ను కలిశారు. ఈ మేరకు ఎన్నికల నిర్వహణకు సంబంధించిన అంశాలను ప్రస్తావిస్తూ వినతిపత్రం అందజేశారు. మాజీ మంత్రి, ఉమ్మడి నెల్లూరు జిల్లా వైసీపీ అధ్యక్షుడు, సర్వేపల్లి నియోజకవర్గ ఇన్‌చార్జి కాకాణి గోవర్ధన్ రెడ్డి, ఎమ్మెల్సీ, నెల్లూరు సిటీ నియోజకవర్గ వైసీపీ ఇన్‌చార్జి చంద్రశేఖర్ రెడ్డి, నెల్లూరు రూరల్ ఇన్‌చార్జి, నెల్లూరు మేయర్ అభ్యర్థి ఆనం విజయకుమార్ రెడ్డి, గూడూరు నియోజకవర్గ వైసీపీ ఇన్‌చార్జి బూదూరు గురవయ్యతో పాటు పలువురు పార్టీ నాయకులు జిల్లా కలెక్టర్‌ను కలిశారు. నెల్లూరు నగర కార్పొరేషన్ ఎన్నికలతో పాటు ఉమ్మడి నెల్లూరు జిల్లాలోని అన్ని నియోజకవర్గాల్లో స్థానిక సంస్థల ఎన్నికల ప్రక్రియ పారదర్శకంగా, ప్రశాంతంగా, ఎలాంటి ఇబ్బందులు లేకుండా జరిగేలా చర్యలు తీసుకోవాలని వారు కోరినట్లు తెలిపారు. ఎన్నికల నిర్వహణపై వినతి  జిల్లాలో స్థానిక సంస్థల ఎన్నికల నిర్వహణకు అవసరమైన ఏర్పాట్లు చేపట్టి, ఎన్నికల ప్రక్రియ సజావుగా జరిగేలా చూడాలని వైసీపీ నేతలు విజ్ఞప్తి చేశారు. అనంతరం పార్టీ నాయకులు మీడియాతో మాట్లాడారు.