కార్పొరేషన్ ఎన్నికల్లో చేనేత వర్గానికి ప్రాతినిధ్యం కల్పించాలి ఎమ్మెల్యే దగ్గుపాటికి చేనేత కార్మికుల ఐక్య వేదిక వినతి

అనంతపురం బ్యూరో : అనంతపురం మున్సిపల్ కార్పొరేషన్ ఎన్నికల్లో చేనేత వర్గానికి తగిన ప్రాతినిధ్యం కల్పించేలా అభ్యర్థుల ఎంపికను పరిశీలించాలని చేనేత కార్మికుల ఐక్య వేదిక ప్రతినిధులు ఎమ్మెల్యే దగ్గుపాటి వెంకటేశ్వర ప్రసాద్‌ను కోరారు. 

ఈ మేరకు ఆయనకు వినతిపత్రం సమర్పించారు. చేనేత కార్మికుల జనాభా, సామాజిక ప్రాతినిధ్యాన్ని పరిగణనలోకి తీసుకుని రాజకీయంగా అవకాశాలు కల్పించాలని విజ్ఞప్తి చేశారు. 

రాష్ట్రంలోని ఇతర మున్సిపల్ కార్పొరేషన్లలోనూ చేనేత వర్గానికి ప్రాతినిధ్యం కల్పించాలని కోరుతూ ముఖ్యమంత్రి, ఉప ముఖ్యమంత్రి తదితర ప్రజాప్రతినిధులకు వినతిపత్రాల ప్రతులు పంపినట్లు తెలిపారు.