జీలుగుమిల్లిలో ఘోర రోడ్డు ప్రమాదం.. ఇద్దరు మృతి

జీలుగుమిల్లి, మేజర్ న్యూస్:ఏలూరు జిల్లా జీలుగుమిల్లి మసీదు సెంటర్ సమీపంలోని జాతీయ రహదారిపై రెండు మోటార్ సైకిళ్లు ఢీకొన్న ఘటనలో ఇద్దరు మృతి చెందారు. వేగంగా వచ్చిన రెండు ద్విచక్ర వాహనాలు ఢీకొనడంతో ఈ ప్రమాదం చోటుచేసుకుంది.

ఈ ప్రమాదంలో టి. నర్సాపురం మండలం కృష్ణాపురం గ్రామానికి చెందిన ధారావతు భద్రం (60), బుట్టాయిగూడెం మండలం జోడేబోడె గూడెం గ్రామానికి చెందిన సింధూర్ (33) తీవ్రంగా గాయపడ్డారు. క్షతగాత్రులను ఆసుపత్రికి తరలిస్తుండగా మార్గమధ్యలోనే ఇద్దరూ మృతి చెందినట్లు సమాచారం.ఈ ఘటనతో ఆయా గ్రామాల్లో విషాదం నెలకొంది. ప్రమాదానికి సంబంధించిన పూర్తి వివరాలు తెలియాల్సి ఉంది.

రిపోర్టర్: బొంతు రామకృష్ణ జీలుగుమిల్లి, ఏలూరు జిల్లా.