జెడ్పీటీసీ, ఎంపీటీసీ ఎన్నికలకు సిద్ధమవుతున్న వైఎస్సార్‌సీపీ
జెడ్పీటీసీ, ఎంపీటీసీ ఎన్నికలకు సిద్ధమవుతున్న వైఎస్సార్‌సీపీ
– గ్రామపంచాయతీల వారీగా గెలుపే లక్ష్యంగా కార్యాచరణ
గుడిబండ మేజర్ న్యూస్:
గుడిబండ మండల కేంద్రంలో వైఎస్సార్ కాంగ్రెస్ పార్టీ ఆధ్వర్యంలో జెడ్పీటీసీ, ఎంపీటీసీ ఎన్నికలకు సంబంధించి విస్తృత స్థాయి సమావేశం నిర్వహించారు. రాబోయే స్థానిక సంస్థల ఎన్నికలను దృష్టిలో ఉంచుకొని పార్టీ నాయకులు, కార్యకర్తలు సమావేశంలో పాల్గొని ఎన్నికల సన్నద్ధతపై చర్చించారు.ఈ సందర్భంగా నాయకులు మాట్లాడుతూ, పార్టీ నాయకులు, కార్యకర్తలు సమన్వయంతో పనిచేస్తూ గ్రామస్థాయిలో పార్టీని బలోపేతం చేయాలని సూచించారు. ప్రతి గ్రామపంచాయతీలో ప్రజలతో మమేకమై, స్థానిక పరిస్థితులకు అనుగుణంగా ఎన్నికల కార్యాచరణ రూపొందించాలని చర్చించారు. ఎంపీటీసీ స్థానాలకు తగిన అభ్యర్థుల ఎంపికపై దృష్టి సారించి, పార్టీ విజయానికి ప్రతి ఒక్కరూ కృషి చేయాలని పేర్కొన్నారు.ఈ సమావేశంలో మాజీ జెడ్పీటీసీ శివకుమార్, మాజీ సర్పంచ్ కరుణాకర్, మండల కన్వీనర్ డి.ఎల్. గౌడ్‌ రాష్ట్ర ఎస్సీ సెల్ అధ్యక్షులు బి హెచ్ రాయుడుతో పాటు పలువురు పార్టీ నాయకులు, కార్యకర్తలు, అభిమానులు పెద్ద సంఖ్యలో పాల్గొన్నారు.
గుడిబండ రిపోర్టర్ దేవరాజు
