ఎండుతున్న పంటలకు ఎకరాకు రూ. 25 వేల పరిహారం ప్రకటించాలి

ఎండుతున్న పంటలకు ఎకరాకు రూ.25 వేల పరిహారం ఇవ్వాలి

రంగారెడ్డి జిల్లాను కరువు జిల్లాగా ప్రకటించాలి

రైతు సంఘం జిల్లా ప్రధాన కార్యదర్శి దుబ్బాక రామచందర్

కందుకూరు: ఎండిపోతున్న పంటలకు ఎకరాకు రూ.25 వేల చొప్పున నష్టపరిహారం అందించాలని, రంగారెడ్డి జిల్లాను కరువు జిల్లాగా ప్రకటించాలని రైతు సంఘం జిల్లా ప్రధాన కార్యదర్శి దుబ్బాక రామచందర్ ప్రభుత్వాన్ని డిమాండ్ చేశారు. శనివారం కందుకూరు మండలం  నేదునూరు గ్రామ పరిధిలోని అక్బర్‌జా రెవెన్యూ పరిధిలో ఎండిపోయిన పంటలను రైతు సంఘం, సీపీఎం నాయకులతో కలిసి ఆయన పరిశీలించారు. వర్షాభావం, భూగర్భ జలాలు తగ్గిపోవడం, విద్యుత్ సమస్యలతో రైతులు తీవ్ర ఇబ్బందులుఎదుర్కొంటున్నారని ఆవేదన వ్యక్తం చేశారు.
రానున్న పంటల సాగుకు ప్రభుత్వం పెట్టుబడి సాయం అందించాలని, కందుకూరు మండలాన్ని కరువు మండలంగా ప్రకటించి రైతులను ఆదుకోవాలని కోరారు. ప్రజలకు తాగునీరు, పశుగ్రాసం అందించేందుకు తక్షణ చర్యలు చేపట్టాలని విజ్ఞప్తి చేశారు.
కాగా, రైతు సంఘం, సీపీఎం పోరాటంతో అక్బర్‌జా రెవెన్యూ పరిధిలో అదనంగా 100 హెచ్‌పీ ట్రాన్స్‌ఫార్మర్ మంజూరైందని, ఐదు విద్యుత్ స్తంభాలు, తీగలు ఏర్పాటు చేయడంతో రైతులకు విద్యుత్ సమస్య నుంచి కొంత ఉపశమనం లభించిందని తెలిపారు.ఈ కార్యక్రమంలో   సీపీఎం మండల కమిటీ సభ్యులు బి శ్రీనివాస్, వ్యవసాయ కార్మిక సంఘం రాష్ట్ర సభ్యులు యాదయ్య, జిల్లా కమిటీ సభ్యులు మిద్దె. యాదయ్య గ్రామ కార్యదర్శి ఎస్ రాములు, రైతులు ఆర్ నరసింహ టి కృష్ణ బి శంకర్ ఏమి యాదయ్య పోచయ్య కలమ్మ శివ తదితరులు  పాల్గొన్నారు.

టి. శ్రీనివాస్, మేజర్ న్యూస్