పోలీస్‌ ఫ్లాగ్‌ డే సందర్భంగా రాష్ట్రస్థాయి పోటీలు

సూర్య-గోదావరిఖని:పోలీస్‌ అమరవీరుల సంస్మరణ దినోత్సవం, పోలీస్‌ ఫ్లాగ్‌ డే వారోత్సవాల సందర్భంగా తెలంగాణ పోలీస్‌ శాఖ ఆధ్వర్యంలో రాష్ట్రస్థాయి ఆన్‌లైన్‌ పోటీలు నిర్వహిస్తున్నట్లు రామగుండం పోలీస్‌ కమిషనర్‌ అంబర్‌ కిషోర్‌ ఝా తెలిపారు. పెద్దపల్లి, మంచిర్యాల జిల్లాల విద్యార్థులు, ఔత్సాహికులు ఈ పోటీల్లో పాల్గొనవచ్చని శుక్రవారం ఒక ప్రకటనలో పేర్కొన్నారు.

*పోటీ విభాగాలు:*

- *ఫొటోగ్రఫీ* : పోలీసుల సేవలు, స్పందనను ప్రతిబింబించే మూడు ఫొటోలు సమర్పించాలి.
- *షార్ట్‌ఫిల్మ్‌* : గరిష్ఠంగా మూడు నిమిషాల నిడివి ఉండాలి.
- *వ్యాసరచన* (6–12వ తరగతి): సైబర్‌ నేరాల నివారణలో పోలీసు–పౌరుల పాత్ర లేదా డ్రగ్స్‌ నివారణలో పోలీసుల పాత్ర.
- *వ్యాసరచన* (డిగ్రీ–పీజీ): సోషల్‌ మీడియా దుర్వినియోగ నివారణలో పోలీసుల పాత్ర లేదా డ్రగ్స్‌ రహిత తెలంగాణ నిర్మాణంలో నా పాత్ర.

ఫొటోలు, షార్ట్‌ఫిల్మ్‌లను అక్టోబర్‌ 28లోపు https://forms.gle/gVpPmmWFrWZNNRBF6 లింక్‌లో, వ్యాసాలను అక్టోబర్‌ 26లోపు https://forms.gle/YkeKUscWu5LFYWFH7 లింక్‌లో సమర్పించాలి. వ్యాసం 500 పదాలకు మించకూడదు. తెలుగు, ఇంగ్లీష్‌, ఉర్దూ భాషల్లో రాయవచ్చు.

వ్యాసరచనలో జిల్లా స్థాయి విజేతలకు బహుమతులు అందజేయడంతో పాటు ముగ్గురిని రాష్ట్రస్థాయి పోటీలకు ఎంపిక చేస్తామని సీపీ తెలిపారు. విద్యార్థులు, ఔత్సాహికులు ఈ అవకాశాన్ని సద్వినియోగం చేసుకోవాలని పిలుపునిచ్చారు.
-------