చెరువులో పడి మృతి చెందిన యువకుడి కుటుంబానికి ఎమ్మెల్యే పరామర్శ

సూర్య,అశ్వారావుపేట, అశ్వారావుపేట మున్సిపాలిటీ పరిధిలోని గుర్రాలచెరువులో కలపాల రామకృష్ణ కుమారుడు కలపాల ప్రవీణ్ దురదృష్టవశాత్తు చెరువులో పడి మృతి చెందడంతో ఆ కుటుంబంలో విషాదం నెలకొంది. ఈ విషయం తెలుసుకున్న అశ్వారావుపేట శాసనసభ్యులు జారె ఆదినారాయణ బాధిత కుటుంబాన్ని పరామర్శించారు.ఈ సందర్భంగా మృతుడు ప్రవీణ్ కుటుంబ సభ్యులను కలిసి వారి దుఃఖంలో పాలుపంచుకున్నారు. కుటుంబ సభ్యులకు ధైర్యం చెబుతూ, ఈ కష్ట సమయంలో తాను అండగా ఉంటానని భరోసా ఇచ్చారు. బాధిత కుటుంబాన్ని అన్ని విధాలా ఆదుకుంటానని ఎమ్మెల్యే జారె ఆదినారాయణ ఈ సందర్భంగా తెలియజేశారు.యువకుడి మృతితో కుటుంబ సభ్యులు తీవ్ర విషాదంలో మునిగిపోవడం పలువురిని కలచివేసింది. బాధిత కుటుంబానికి అండగా నిలుస్తామని ఎమ్మెల్యే హామీ ఇవ్వడంతో స్థానికులు ఆయనకు కృతజ్ఞతలు తెలిపారు.ఈ పరామర్శ కార్యక్రమంలో తుమ్మ రాంబాబు, జూపల్లి ప్రమోద్, ఆలా సత్తిబాబు, డాక్టర్ వెలుపుల సత్యనారాయణతో పాటు కాంగ్రెస్ పార్టీ నాయకులు పాల్గొన్నారు.

సూర్య రిపోర్టర్ మునీర్ అశ్వరావుపేట