మహాలక్ష్మి దేవి రూపంలో అమ్మవారి దర్శనం

గణపురం, మేజర్ న్యూస్, గణపురం మండల కేంద్రంలో నిర్వహిస్తున్న దేవీ నవరాత్రి ఉత్సవాల్లో భాగంగా శనివారం అమ్మవారు మహాలక్ష్మి దేవి రూపంలో భక్తులకు దర్శనమిచ్చారు. ఈ సందర్భంగా అర్చకులు వినయ్ ఆధ్వర్యంలో అమ్మవారికి ప్రత్యేక అలంకరణ చేసి, పూజా కార్యక్రమాలను నిర్వహించారు. అమ్మవారి దర్శనం కోసం భక్తులు పెద్ద సంఖ్యలో ఆలయానికి తరలివచ్చారు. భక్తిశ్రద్ధలతో ప్రత్యేక పూజలు, కుంకుమార్చనలు నిర్వహించి అమ్మవారి ఆశీస్సులు పొందారు. అమ్మవారి దర్శనంతో ఆలయ ప్రాంగణం భక్తుల సందడితో ఆధ్యాత్మిక శోభను సంతరించుకుంది. నవరాత్రి ఉత్సవాల్లో భాగంగా మహాలక్ష్మి దేవి అలంకరణలో అమ్మవారిని దర్శించుకున్న భక్తులు భక్తిపారవశ్యంలో మునిగిపోయారు.

రిపోర్టర్, ఎల్లయ్య , గణపురం, భూపాలపల్లి జిల్లా