andhrapradesh
పెనుగొండలో మున్సిపల్ అభ్యర్థి ఎన్నికలు చెలరేజ్ గిన అసంతృప్తి
పెనుకొండ టీడీపీలో ముసలం ముసరింది. మున్సిపల్ చైర్మన్ అభ్యర్థి ఎంపికపై చెలరేగిన అసంతృప్తితో ఆ పార్టీ నేత శ్రీరాముల యాదవ్ సంచలన నిర్ణయానికి సిద్ధమయ్యారు. రాత్రికి రాత్రే పెనుకొండ మున్సిపల్ చైర్మన్ అభ్యర్థిని మార్చడం వెనుక అంతర్యమేమిటని ఆయన తీవ్రస్థాయిలో ప్రశ్నించారు. జిల్లాలో యాదవ సామాజిక వర్గానికి తీవ్ర అన్యాయం జరిగిందని ఆవేదన వ్యక్తం చేసిన ఆయన, తెలుగుదేశం పార్టీ సభ్యత్వానికి రాజీనామా చేయడానికి సిద్ధపడ్డారు. అంతేకాకుండా, పార్టీ పరిశీలకులకు రాజీనామా లేఖలు సమర్పించడానికి తమ వర్గం నుంచి 1000 మంది సిద్ధంగా ఉన్నట్లు తెలిపారు. ఈ క్రమంలోనే ఐవీఆర్ఎస్ (IVRS) వివరాలను పూర్తిగా బహిర్గతం చేయాలని ఆయన డిమాండ్ చేశారు. అయితే, తమకు ముఖ్యమంత్రి నారా చంద్రబాబు నాయుడు మరియు మంత్రి నారా లోకేష్ బాబుపై సంపూర్ణ నమ్మకం ఉందని శ్రీరాముల యాదవ్ స్పష్టం చేశారు.
