telanagana
పంతంగి టోల్ గేట్ వద్ద బారులు తీరిన వాహనాలు
చౌటుప్పల్ :దసరా పండుగ సెలవులు మరియు వీకెండ్ నేపథ్యంలో హైదరాబాద్ - విజయవాడ జాతీయ రహదారిపై (NH-65) వాహనాల రద్దడి విపరీతంగా పెరిగింది. యాదాద్రి భువనగిరి జిల్లా చౌటుప్పల్ మండలం పంతంగి టోల్ ప్లాజా వద్ద వాహనాలు బారులు తీరాయి. దసరా పండుగకు సొంతూర్లకు వెళ్తున్న ప్రయాణికులు మరియు వీకెండ్ కారణంగా రోడ్డెక్కిన భారీ సంఖ్యలో వాహనాలతో హైదరాబాద్ - విజయవాడ మార్గంలో వాహనాలు చాలా నెమ్మదిగా ముందుకు కదులుతున్నాయి. ట్రాఫిక్ ఇబ్బందులను తొలగించడానికి టోల్ ప్లాజా సిబ్బంది మరియు పోలీసులు వాహనాలను క్రమబద్ధీకరిస్తున్నారు. ప్రయాణికులు అత్యవసరమైతే తప్ప ప్రత్యామ్నాయ మార్గాలను ఎంచుకోవాలని లేదా తగినంత సమయం కేటాయించుకుని ప్రయాణం మొదలుపెట్టాలని అధికారులు సూచిస్తున్నారు.
