జాహ్నవి రెడ్డికి మద్దతుగా ఇంటింటా ప్రచారం

పామూరు మేజర్ న్యూస్ : జెడ్పీటీసీ ఎన్నికల్లో టీడీపీ అభ్యర్థి బైరెడ్డి జాహ్నవి రెడ్డిని భారీ మెజార్టీతో గెలిపించాలని కంబాలదిన్నె తెలుగు యువత అధ్యక్షుడు ఏలూరి మాధవరావు (కోటయ్య) ఓటర్లను కోరారు. ఆదివారం మండలంలోని కంబాలదిన్నె గ్రామంలో ఆయన ఆధ్వర్యంలో  ఇంటింటి ప్రచారం నిర్వహించారు. ఈ సందర్భంగా టీడీపీ అభ్యర్థి బైరెడ్డి జాహ్నవి రెడ్డికి మద్దతుగా కరపత్రాలు పంపిణీ చేస్తూ సైకిల్ గుర్తుపై ఓటు వేసి భారీ మెజార్టీతో గెలిపించాలని ఓటర్లను అభ్యర్థించారు. ఎన్నికల్లో కూటమి అభ్యర్థి విజయానికి ప్రతి ఒక్కరూ సహకరించాలని కోరారు.