ఇద్దరు బాలురు అదృశ్యం.. ఆచూకీ కోసం పోలీసుల కేసు నమోదు

ఇద్దరు బాలురు అదృశ్యం.. ఆచూకీ కోసం పోలీసుల కేసు నమోదు 

రేణిగుంట మేజర్ న్యూస్ : రేణిగుంట పట్టణానికి చెందిన ఇద్దరు బాలురు అదృశ్యమైన ఘటనపై రేణిగుంట పోలీసులు కేసు నమోదు చేసి, వారి ఆచూకీ కోసం గాలింపు చేపడుతున్నట్టు సిఐ జయచంద్ర పత్రికా ప్రకటన ద్వారా తెలిపారు. బుగ్గవీధికి చెందిన జి. నాగేంద్ర కుమారుడు జి. పాండురంగ (12), అతని స్నేహితుడు పి. గణేష్ రెడ్డి (15) కలిసి అక్టోబర్ 2న సాయంత్రం 4 గంటల సమయంలో గుంటకట్ట సమీపంలోని గ్రౌండ్‌కు ఆడుకోవడానికి వెళ్లారు. పాండురంగ సాయంత్రం 6 గంటల సమయంలో ఇంటికి వచ్చి, గణేష్ రెడ్డికి చెందిన నోటుబుక్‌ను అతని ఇంటి వద్ద ఇచ్చి వస్తానని చెప్పి బయటకు వెళ్లాడు. అనంతరం ఇద్దరూ ఇంటికి తిరిగి రాకపోవడంతో కుటుంబ సభ్యులు రేణిగుంట బస్టాండ్, రైల్వే స్టేషన్, పరిసర ప్రాంతాల్లో గాలించారు. అయినప్పటికీ ఆచూకీ లభించకపోవడంతో పోలీసులకు ఫిర్యాదు చేశారు. స్థానిక ప్రజలు ప్రాథమిక సమాచారం మేరకు రాత్రి 8.45 గంటల సమయంలో రేణిగుంట రైల్వే స్టేషన్ వద్ద ఇద్దరు బాలురు కనిపించినట్లు  పోలీసులు తెలిపారు. వారి ఆచూకీ కోసం పోలీసులు వివిధ ప్రాంతాల్లో గాలిస్తున్నారు. ఈ ఇద్దరు బాలురను ఎక్కడైనా గుర్తించినా, వారి ఆచూకీ తెలిసినా వెంటనే రేణిగుంట పోలీస్ స్టేషన్‌కు సమాచారం అందించాలని పోలీసులు విజ్ఞప్తి చేశారు.

సమాచారం కోసం:CI: 9491074540 SI: 9440796765 రేణిగుంట పోలీస్ స్టేషన్: 08772289023