మంద కృష్ణ మాదిగను కలిసిన టీడీపీ నేత పెదపూడి శ్రీనివాసరావు: ఎస్సీ వర్గీకరణ, సంక్షేమంపై కీలక చర్చ!

     సూర్య అంబాజీపేట మేజర్ న్యూస్ : రావులపాలెం డెస్క్: జాతీయ ఎంఆర్పీఎస్ (MRPS) వ్యవస్థాపక అధ్యక్షులు, పద్మశ్రీ మంద కృష్ణ మాదిగ డాక్టర్ బి.ఆర్. అంబేద్కర్ కోనసీమ జిల్లా పర్యటనలో భాగంగా రావులపాలెం విచ్చేశారు. ఈ సందర్భంగా రావులపాలెంలోని ఆర్.కె. హోటల్‌లో బస చేసిన ఆయనను రాష్ట్ర తెలుగుదేశం పార్టీ ఎస్సీ సెల్ కార్యనిర్వహక కార్యదర్శి పెదపూడి శ్రీనివాసరావు (శ్రీను) మర్యాదపూర్వకంగా కలిసి పుష్పగుచ్ఛం అందజేశారు.
ఎస్సీ వర్గీకరణ అమలు, రాజకీయ ప్రాధాన్యతపై చర్చ :

ఈ భేటీలో ఎస్సీల అభ్యున్నతి, వర్గీకరణ పరిణామాలు మరియు ప్రస్తుత రాజకీయ అంశాలపై ఇరువురు నేతలు సుదీర్ఘంగా చర్చించారు.వర్గీకరణ అమలు – మాదిగల వాటా :సుప్రీంకోర్టు తీర్పు నేపథ్యంలో రాష్ట్రంలో ఎస్సీ వర్గీకరణ అమలు కార్యాచరణ, విద్య, ఉద్యోగ రంగాలతో పాటు రాజకీయంగా మాదిగలకు దక్కాల్సిన సముచిత వాటాపై ప్రధానంగా చర్చించినట్లు సమాచారం .

.కూటమి ప్రభుత్వ సంక్షేమం:రాష్ట్రంలోని ఎన్డీఏ కూటమి ప్రభుత్వం ఎస్సీల సంక్షేమం, సమగ్ర సాధికారతకు అత్యధిక ప్రాధాన్యత ఇస్తోందని, ముఖ్యమంత్రి నారా చంద్రబాబు నాయుడు నేతృత్వంలో దళితుల హక్కుల పరిరక్షణకు టీడీపీ కట్టుబడి ఉందని పెదపూడి శ్రీనివాసరావు ఈ సందర్భంగా స్పష్టం చేశారు.ఈ కార్యక్రమంలో టీడీపీ యువ నాయకుడు మంద రాజేష్‌తో పాటు పలువురు ఎంఆర్పీఎస్, అనుబంధ సంఘాల నాయకులు, స్థానిక కార్యకర్తలు పాల్గొన్నారు.