మహిక ఆసుపత్రిలో ఎన్టీఆర్ వైద్య సేవలు ప్రారంభం..
మేజర్ న్యూస్ ముమ్మిడివరం :గ్రామీణ ప్రాంతంలో ఎన్టీఆర్ వైద్య సేవ ట్రస్ట్ ద్వారా పేద ప్రజలకు సేవలందించడం శుభ పరిణామమని ప్రభుత్వ విప్, ముమ్మిడివరం ఎమ్మెల్యే దాట్ల బుచ్చిబాబు పేర్కొన్నారు. ముమ్మిడివరం నగర పంచాయతీలోని మహిక సూపర్ స్పెషాలిటీ హాస్పిటల్ లో శుక్రవారం నుండి నూతనంగా ప్రారంభించిన ఎన్టీఆర్ వైద్య సేవ, ఈ హెచ్ఎస్ సేవలను ఎమ్మెల్యే బుచ్చిబాబు లాంఛనంగా ప్రారంభించారు. ముమ్మిడివరం ప్రాంతంలో పేదలకు ఎన్టీఆర్ ట్రస్టు ద్వారా మహిక ఆసుపత్రి మొదటిగా వైద్య సేవలు ప్రారంభించింది అన్నారు. ఈ సందర్భంగా ఆసుపత్రి వైద్యులు డాక్టర్ చౌడపనీడి కళ్యాణిని ఆయన అభినందించారు.
ఈ కార్యక్రమంలో జిల్లా తెలుగుదేశం పార్టీ అధ్యక్షులు గుత్తుల సాయి, తాడి నరసింహారావు, చెల్లి అశోక్, ఏఎంసీ చైర్మన్ ఓగూరి భాగ్యశ్రీ గొల్లకోటి దొరబాబు బద్రి రామ చోడపనీడి బాలకృష్ణ చౌడపనీడి చక్రధర్ రావు చోడపనీడి మణికంఠ విళ్ల వీరాస్వామి నాయుడు యాళ్ళ ఉదయ్ గంజి జాజి లతోపాటు కూటమి నాయకులు కార్యకర్తలు అభిమానులు పాల్గొన్నారు.
