బీసీ రిజర్వేషన్లపై నేడు సుప్రీం కోర్టుకు..

అమరావతి, సూర్య ప్రతినిధి : స్థానిక సంస్థల ఎన్నికల్లో బీసీలకు 34 శాతం రిజర్వేషన్లు కల్పిస్తూ రాష్ట్ర ప్రభుత్వం జారీ చేసిన జీవోలను ఏపీ హైకోర్టు ఇటీవల కొట్టివేసిన నేపథ్యంలో, ఆ తీర్పును సవాలు చేస్తూ ఏపీ ప్రభుత్వం సుప్రీంకోర్టును ఆశ్రయించింది. హైకోర్టు ఉత్తర్వులపై ఇవాళ సుప్రీంకోర్టులో ప్రత్యేక అప్పీల్ (Special Leave Petition) దాఖలు చేసింది.

మొత్తం రిజర్వేషన్లు 50 శాతానికి మించకూడదన్న సుప్రీంకోర్టు గత తీర్పులను ఉటంకిస్తూ, 34 శాతం బీసీ కోటాతో పరిమితి దాటుతోందని ఏపీ హైకోర్టు ఈ జీవోలను రద్దు చేసిన సంగతి తెలిసిందే. అయితే, బీసీల రాజకీయ ప్రాతినిధ్యం మరియు హక్కుల పరిరక్షణకు తమ ప్రభుత్వం కట్టుబడి ఉందని స్పష్టం చేసిన అధికార కూటమి, ఒకవేళ న్యాయపరమైన అడ్డంకులు ఎదురైనా పార్టీ పరంగా బిసిలకు 34 శాతం సీట్లు కేటాయించి పోటీలో దించడానికి సిద్ధమవుతోంది.