కేంద్ర మంత్రితో సీఎం చంద్రబాబు భేటీ..

 పలు అంశాలపై చర్చలు

తెనాలిలో ఇళ్ల నిర్మాణానికి శంకుస్థాపనకు ముందు భేటీ

సీఎం ఆహ్వానం మేరకు నివాసానికి వచ్చిన కేంద్ర మంత్రి

సమావేశంలో పాల్గొన్న కేంద్ర మంత్రి పెమ్మసాని చంద్రశేఖర్

ఏపీ సూర్య స్టేట్ బ్యూరో, అమరావతి : 

కేంద్ర మంత్రి శివరాజ్ సింగ్ చౌహాన్‌తో సీఎం చంద్రబాబు నాయుడు ఆదివారం భేటీ అయ్యారు. తెనాలిలో ఇళ్ల నిర్మాణానికి శంకుస్థాపన కార్యక్రమానికి హాజరయ్యే ముందు సీఎం చంద్రబాబు ఆహ్వానం మేరకు కేంద్ర మంత్రి శివరాజ్ సింగ్ చౌహాన్ ఆయన నివాసానికి వచ్చారు. ఈ సందర్భంగా సీఎం చంద్రబాబు నాయుడు, కేంద్ర మంత్రి శివరాజ్ సింగ్ చౌహాన్ ఆత్మీయంగా భేటీ అయి పలు అంశాలపై చర్చించారు. రాష్ట్రానికి సంబంధించిన పలు అభివృద్ధి కార్యక్రమాలు, కేంద్రం నుంచి అందుతున్న సహకారం తదితర అంశాలపై ఇరువురు నేతలు చర్చించినట్లు తెలిసింది. తెనాలిలో చేపట్టనున్న ఇళ్ల నిర్మాణ కార్యక్రమానికి సంబంధించిన అంశాలను కూడా ఈ సందర్భంగా ప్రస్తావించారు. కేంద్ర, రాష్ట్ర ప్రభుత్వాల సమన్వయంతో ప్రజలకు మరింత మెరుగైన సేవలు, సంక్షేమ ఫలాలు అందించే అంశాలపై కూడా చర్చ జరిగినట్లు సమాచారం. సీఎం చంద్రబాబు ఆహ్వానం మేరకు కేంద్ర మంత్రి ఆయన నివాసానికి రావడంతో ఈ భేటీకి ప్రాధాన్యం ఏర్పడింది. ఈ సమావేశంలో కేంద్ర మంత్రి పెమ్మసాని చంద్రశేఖర్ కూడా పాల్గొన్నారు.