ఎమ్మెల్యే అమిలినేని సురేంద్రబాబును మర్యాదపూర్వకంగా కలిసిన నూతన డీఎస్పీ దైవప్రసాద్

అనంతపురం బ్యూరో : కళ్యాణదుర్గం డీఎస్పీగా నూతనంగా నియమితులైన దైవప్రసాద్ ఎమ్మెల్యే అమిలినేని సురేంద్రబాబును ఆయన స్వగృహంలో మర్యాదపూర్వకంగా కలిశారు. ఈ సందర్భంగా ఎమ్మెల్యే సురేంద్రబాబు నూతన డీఎస్పీకి శుభాకాంక్షలు తెలిపారు.

అనంతరం ఎమ్మెల్యే మాట్లాడుతూ కళ్యాణదుర్గం డివిజన్ పరిధిలో శాంతిభద్రతల పరిరక్షణకు ప్రత్యేక ప్రాధాన్యత ఇవ్వాలని సూచించారు. ప్రజలకు ఎలాంటి ఇబ్బందులు కలగకుండా పోలీసు శాఖ సమర్థవంతంగా పనిచేయాలని, ప్రజలకు భద్రతపై నమ్మకం కల్పించేలా విధులు నిర్వహించాలని పేర్కొన్నారు.

డివిజన్ పరిధిలో శాంతియుత వాతావరణం నెలకొనేలా చర్యలు చేపట్టాలని, ప్రజల సమస్యల పరిష్కారానికి ప్రాధాన్యతనిస్తూ పోలీసు శాఖ సేవలు అందించాలని ఎమ్మెల్యే సూచించారు.