గుంటూరు నగరంలో వ్యక్తి అదృశ్యం
గుంటూరు : స్థానిక లాలాపేట పోలీస్ స్టేషన్ పరిధిలో వ్యక్తి అదృశ్యమైన ఘటన చోటు చేసుకుంది. పోలీసులు తెలిపిన వివరాల మేరకు హుస్సేన్ నగర్ 4వ లైన్కు చెందిన షేక్ యూసఫ్ (38) గంటలమ్మ చెట్టు వద్ద బంగారు ఆభరణాల తయారీ వర్క్షాప్ నిర్వహిస్తూ జీవనం సాగిస్తూ తన కుటుంబంతో కలిసి తన ఇంటి పైభాగంలో నివసిస్తుండగా తమ్ముడు షేక్ ఇబ్రహీం, ( 32) ఆటో నడుపుతూ జీవనం సాగిస్తూ అదే ఇంటి కింది భాగంలో నివసించేవాడని తెలిపారు.
ఇబ్రహీం గతంలో అప్పులు చేయడం ఆర్థిక లావాదేవీల విషయంలో భార్యాభర్తల మధ్య గొడవలు జరగడంతో సుమారు మూడు నెలల క్రితం అతని భార్య పుట్టింటికి వెళ్లిపోయిందని ఈ నేపథ్యంలో 16వ తేదీ రాత్రి సుమారు 09.00 గంటల సమయంలో ఇబ్రహీం స్నేహితులు యూసఫ్కు ఫోన్ చేసి డబ్బులు ఇవ్వాలని అడగగా తనకు అతని అప్పుల వివరాలు తెలియవని తెలిపాడని పోలీసులు పేర్కొన్నారు. ఆగస్టు నెల చివరి నుంచి షేక్ ఇబ్రహీం ఇంటికి తిరిగి రాకపోవడంతో కుటుంబ సభ్యులు చుట్టుపక్కల ప్రాంతాల్లో, బంధువుల ఇళ్లలో వెతికినప్పటికీ ఆచూకీ లభించకపోవడంతో బంధువులు ఇచ్చిన ఫిర్యాదు మేరకు లాలాపేట పోలీస్ స్టేషన్లో మిస్సింగ్ కేసు నమోదు చేసినట్లు సీఐ ఏవి శివప్రసాద్ తెలిపారు. అదృశ్యమైన షేక్ ఇబ్రహీం ఆచూకీ తెలిసిన వారు లేదా ఆయనను ఎక్కడైనా గుర్తించిన వారు సమీప లాలాపేట పోలీస్ స్టేషన్కు సమాచారం అందించవలసిందిగా సీఐ తెలిపారు. తెలియజేయవలసిన ఫోన్ నెంబర్స్ 0863-2221261,
ఎస్ హెచ్ ఓ 8688831311,
ఎస్ ఐ : 8688831313 నంబర్లకు తెలియపరచాలని సీఐ శివప్రసాద్ పేర్కొన్నారు.
కే నాగరాజు గుంటూరు క్రైమ్