ఎస్పీడబ్ల్యూలో రక్తదాన శిభిరం
ఎడ్యుకేషన్ స్టాఫ్ రిపోర్టర్ : శ్రీపద్మావతి మహిళా డిగ్రీ అండ్ పీజీ కళాశాల ఎన్ఎస్ఎస్ విభాగం, ఇండియన్ రెడ్ క్రాస్ సొసైటీ సంయుక్త ఆధ్వర్యంలో రక్తదాన శిభిరాన్ని నిర్వహించారు. బుధవారం కళాశాలలో జరిగిన ఈ కార్యక్రమాన్ని ప్రిన్సిపల్ డాక్టర్ భీమన్న ప్రారంభించి మాట్లాడుతూ రక్తదాతలు ప్రాణదాతలతో సమానమని, ఆపత్కాలంలో యువత రక్తదానం చేస్తే మరొకరికి పునర్జన్మ ఇచ్చినట్లేనని సూచించారు. ఎన్ఎస్ఎస్ యూనిట్-1 అధికారిణి డాక్టర్ వి.కృష్ణవేణి మాట్లాడుతూ రక్తదానం చేయటం సామాజిక సేవలో భాగమని, ఇది మరొకరి ప్రాణాన్ని నిలుపుతుందనే విషయాన్ని విద్యార్థినులు గుర్తించాలన్నారు. అనంతరం జరిగిన శిభిరంలో పెద్ద ఎత్తున విద్యార్థినులు రక్తదానం చేసి స్ఫూర్తిగా నిలిచారు. ఈ కార్యక్రమంలో డాక్టర్ దివ్యవాణి, రెడ్ క్రాస్ సభ్యులు ఎన్ఎస్ రవి, అధ్యాపకులు, విద్యార్థినులు పాల్గొన్నారు.
సీఎం గౌడ్ తిరుపతి స్టాప్ రిపోర్టర్