గుమ్మగట్ట కేజీబీవీ విద్యార్థినులతో మాట్లాడుతున్న అనంతపురం జిల్లా డీఎంహెచ్ఓ కట్టా వెంకటేశ్వరరావు..!!
గుమ్మగట్ట మేజర్ న్యూస్:
అస్వస్థతకు గురైన విద్యార్థినులకు చికిత్స అందించాం: డీఎంహెచ్ఓ!!గుమ్మగట్ట కేజీబీవీ పాఠశాలలో మంగళవారం 40 మంది విద్యార్థినులు కడుపునొప్పి, వాంతులతో అస్వస్థతకు గురయ్యారు. విషయం తెలియగానే తక్షణమే వైద్య బృందం పాఠశాలకు చేరుకొని చికిత్స అందించినట్లు అనంతపురం జిల్లా డీఎంహెచ్ఓ కట్టా వెంకటేశ్వరరావు తెలిపారు,ఉదయం విషయం తెలుసుకున్న వెంటనే డాక్టర్ రమేష్, సందేశ్ తన బృందంతో హుటాహుటిన బయలుదేరి పాఠశాలకు చేరుకుని ప్రథమ చికిత్స అందించారు,వీరిలో 10 మందిని గుమ్మగట్ట పీహెచ్సీకి తరలించి ఐవీ ఫ్లూయిడ్స్ అందించారు. మిగిలిన వారికి పాఠశాలలోనే చికిత్స అందిస్తున్నారు. విద్యార్థినుల ఆరోగ్య పరిస్థితి ప్రస్తుతం నిలకడగా ఉందని వైద్యులు వెల్లడించారు,అనంతరం డీఎంహెచ్ఓ కట్టా వెంకటేశ్వరరావు స్వయంగా గుమ్మగట్ట ప్రాథమిక ఆరోగ్య కేంద్రానికి అలాగే పాఠశాలకు చేరుకొని, చికిత్స పొందుతున్న విద్యార్థినులతో మాట్లాడి వారి ఆరోగ్య పరిస్థితిని అడిగి తెలుసుకున్నారు. బాలికల ఆరోగ్యం విషయంలో ఎలాంటి నిర్లక్ష్యం వహించవద్దని వైద్య సిబ్బందిని ఆదేశించారు.
సూర్య ప్రతినిధి : పెన్నయ్య గుమ్మగట్ట మండలం రిపోర్టర్