గుడిపాడు జెడ్పీ హైస్కూల్లో పూర్వ విద్యార్థుల ఆత్మీయ సమ్మేళనం

దువ్వూరు,మేజర్ న్యూన్ :దువ్వూరు మండలం గుడిపాడు జెడ్పీ హైస్కూల్ పూర్వ 1992-1993 బ్యాచ్ కు చెందిన పూర్వ విద్యార్థుల ఆత్మీయ సమ్మేళనం ఆనందోత్సాహాల మధ్య గుడిపాడు కొత్త రామాలయంలో నిర్వహించారు. 33 సంవత్సరాల తర్వాత పూర్వ విద్యార్థులంతా ఒకచోట చేరి పాఠశాల రోజుల్లోని మధుర జ్ఞాపకాలను నెమరువేసుకున్నారు. చిన్ననాటి స్నేహితులను తిరిగి కలుసుకోవడంతో అందరిలో ఆనందం వెల్లివిరిసింది. పాఠశాలలో గడిపిన మధుర క్షణాలు, ఉపాధ్యాయులతో ఉన్న అను బంధం, స్నేహితులతో పంచుకున్న అనుభవాలను గుర్తు చేసుకున్నారు. ప్రస్తుతం తాము చేస్తున్న పనులు, జీవితంలో సాధించిన విజయాలనుఒకరితోఒకరు పంచుకున్నారు. తమకు విద్యాబుద్ధులు నేర్పి, జీవితంలో ఉన్నతంగా ఎదగడానికి మార్గంచూపిన ఉపాధ్యాయుల సేవలను ఈసంద ర్భంగా గుర్తుచేసుకున్నారు. పాత స్నేహబంధాలను ఎల్లప్పుడూ కొనసాగిస్తూ, భవిష్యత్తులోనూ ఇలాంటి ఆత్మీయ సమ్మేళనాలను నిర్వహించుకోవాలని పూర్వ విద్యార్థులు ఆకాంక్షించారు. ఈ కార్యక్రమం పూర్వ విద్యార్థుల మధ్య స్నేహాన్ని మరింత బలోపేతంచేస్తూ, పాఠశాలరోజుల మధుర జ్ఞాపకా లనుమళ్లీ గుర్తుచేసిన ఆత్మీయ వేడుకగా నిలిచింది. ఎక్కడెక్కడో ఇతర ప్రాంతాల్లో ఉన్న వారందరూ ఒక చోటికి చేరుకొని అందరి కష్ట సుఖాలను తెలుసుకోవడం చాలా ఆనందంగా ఉందని పూర్వపు  విద్యార్థులు అన్నారు.ఉపాధ్యాయులు కర్నాటి యల్లారెడ్డి, జయరామయ్య, పుల్లారెడ్డిలను ఘనంగా సన్మానించారు. ఈ కార్యక్రమంలో పూర్వ విద్యార్థులు మిట్టా రవికుమార్ రెడ్డి, కోగటం వీరారెడ్డి, సారుకొల్ల కొండయ్య,వెన్నపూస సాంబశివరెడ్డి, భూమిరెడ్డి పల్లె మాధవరెడ్డి, నాగదస్తగిరి రెడ్డి, శివరామిరెడ్డి,భవాని, మంజుల, వెంకట లక్షుమ్మ తదితరులు పాల్గొన్నారు

రిపోర్టర్:బోర్రా శివరామిరెడ్డి మైదుకూరు ఇంచార్జ్ కడప జిల్లా