స్థానిక సంస్థల ఎన్నికల సందర్భంగాఎర్రగుంట్ల పోలీసుల హెచ్చరిక.

ఎర్రగుంట్ల మేజర్ న్యూస్: ఈనెల 21వ తేదీ నుంచి   స్థానిక సంస్థల (ఎంపీటీసీ మరియు జెడ్పిటిసి) ఎన్నికల నామినేషన్ల కార్యక్రమం ప్రారంభం అవుతుందని, ఈ సందర్భంగా జిల్లా ఎస్పీ మరియు జమ్మలమడుగు డిఎస్పి ఆదేశాల ప్రకారం ఎన్నికలలో పాల్గొనే అభ్యర్థులకు ప్రజలకు ఎర్రగుంట్ల సీఐ విశ్వనాథరెడ్డి, ఎర్రగుంట్ల ఎస్సై నాగమురళి   కొన్ని సూచనలు చేశారు. ఈ నామినేషన్ల కార్యక్రమాల్లో పాల్గొనే అభ్యర్థులకు కేవలం పోటీ చేసే అభ్యర్థి ప్లస్ బలపరిచే అభ్యర్థి మరియు విటినెస్ గా ఒకరు కలిసి మొత్తం వన్ ప్లస్ టు మాత్రమే ఎర్రగుంట మండల ప్రజా పరిషత్ ఆఫీసులోకి రావాల్సి ఉంటుందని సూచించారు. వారు కూడా 500 మీటర్ల దూరంలోనే తమ వాహనాలుఉంచి రావాల్సి ఉంటుందని సూచించారు. ఈ మండలంలో ఓటు లేని మరియు భేటీ ప్రాంతాల నుంచి ఎవరు కూడా రాకూడదని హెచ్చరించారు. అలా ఎవరైనా వస్తే మండల తాసిల్దార్ ఆదేశాల ప్రకారం  సెక్షన్ 144 ప్రకారం  కేసులు నమోదు చేస్తామని తెలియజేశారు. ఈ నామినేషన్ల సందర్భంగా ఎలాంటి దౌర్జన్యాలు గలాటాలు సృష్టించిన వారిపై నాన్ బెయిలబుల్ కేసులు నమోదు చేస్తామని హెచ్చరించారు. ఎలాంటి దౌర్జన్యాలు ఘర్షణలు సృష్టించకుండా  ప్రశాంత వాతావరణంలో నామినేషన్ల కార్యక్రమం ముగించుకోవాలని సూచించారు. ఎటువంటి దౌర్జన్యాలు ఘర్షణలకు పాల్పడినవారిపై కఠిన చర్యలు ఉంటాయని హెచ్చరించారు.

• సి లక్ష్మీ నారాయణ ఎర్రగుంట్ల వైఎస్సార్ కడప జిల్లా