బషీరాబాద్ పోలీస్ స్టేషన్‌లో దసరా పూజలు

​బషీరాబాద్, మేజర్ న్యూస్ :
దసరా - విజయదశమి పర్వదినాన్ని పురస్కరించుకుని బషీరాబాద్ పోలీస్ స్టేషన్ ఆవరణలో మంగళవారం ప్రత్యేక పూజలు నిర్వహించారు. స్టేషన్ హౌస్ ఆఫీసర్ విఠల్ఆధ్వర్యంలో జరిగిన ఈ కార్యక్రమంలో పోలీస్ సిబ్బంది, స్థానికులు భక్తిశ్రద్ధలతో పాల్గొన్నారు. ఈ సందర్భంగా చెడుపై మంచి సాధించిన విజయానికి ప్రతీక అయిన దసరా పండుగను ప్రశాంత వాతావరణంలో, ఐక్యతతో జరుపుకోవాలని పోలీస్ అధికారులు పిలుపునిచ్చారు. ఈ కార్యక్రమంలో జమిందార్ లోక్య నాయక్, అనిల్, నర్సింలు, ఫెరోస్ సిబ్బంది తదితరులు పాల్గొన్నారు.

రిపోర్టర్:పాషా, బషీరాబాద్, వికారాబాద్ జిల్లా.