పమిడిపాడులో ఘనంగా ఎంపీటీసీ అభ్యర్థుల నామినేషన్లు

నరసరావుపేట మేజర్ న్యూస్ : మండలం లోని పమిడిపాడు గ్రామంలో జనసేన పార్టీ ఎంపీటీసీ అభ్యర్థుల నామినేషన్ల కార్యక్రమం ఘనంగా నిర్వహించారు. జనసేన పార్టీ రాష్ట్ర కార్యదర్శి, నరసరావుపేట నియోజకవర్గ ఇన్‌ఛార్జి సయ్యద్ జిలాని ఆధ్వర్యంలో జరిగిన ఈ కార్యక్రమానికి నరసరావుపేట ఎంపీ లావు శ్రీకృష్ణదేవరాయలు, ఎమ్మెల్యే డాక్టర్ చదలవాడ అరవిందబాబు ముఖ్య అతిథులుగా హాజరై అభ్యర్థులకు మద్దతు ప్రకటించారు. ఈ సందర్భంగా జనసేన పార్టీ తరఫున పమిడిపాడు–1 ఎంపీటీసీ అభ్యర్థి గా శీలం తిరుపతి స్వాములు, పమిడి పాడు–2 ఎంపీటీసీ అభ్యర్థిగా మట్టం పెద్దబ్బాయ్ నామినేషన్లు దాఖలు చేశారు.అనంతరం ఎంపీ లావు శ్రీకృష్ణదేవరాయలు, ఎమ్మెల్యే చదలవాడ అరవిందబాబు మాట్లాడుతూ కూటమి అభ్యర్థుల విజయమే లక్ష్యంగా జనసేన, తెదేపా, భాజపా నాయకులు, కార్యకర్తలు సమన్వయంతో ముందుకు సాగాలని పిలుపునిచ్చారు. ప్రతి ఒక్కరూ సమష్టిగా కృషి చేసి అభ్యర్థుల విజయానికి పాటుపడాలని సూచించారు.ఈ కార్యక్రమంలో జనసేన పార్టీ నరసరావు పేట సమన్వయకర్తలు వీరవల్లి వంశీ, షేక్ అద్రుఫ్, బెల్లంకొండ అనిల్‌తో పాటు జనసేన, తెదేపా, భాజపా కూటమి నాయకులు, కార్యకర్తలు, జనసైనికులు, మహిళలు పెద్ద సంఖ్యలో పాల్గొన్నారు.

రిపోర్టర్, మల్లికార్జునరావు, పల్నాడు జిల్లా ఇంచార్జి..