రాజరాజేశ్వరి అలంకారంలో కనకదుర్గమ్మ దర్శనం

ఇంద్రకీలాద్రి, మేజర్ న్యూస్: ఇంద్రకీలాద్రిపై శ్రీ కనకదుర్గమ్మవారు మంగళవారం శ్రీ రాజరాజేశ్వరి దేవి అలంకారంలో భక్తులకు దర్శనమిచ్చారు. ఆకుపచ్చని చీర, దివ్యాభరణాలు, పుష్పాలంకరణలతో అమ్మవారు భక్తులను అనుగ్రహించారు. శరన్నవరాత్రి మహోత్సవాల ముగింపు సందర్భంగా ఆలయంలో మహా పూర్ణాహుతి నిర్వహించి ఉత్సవాలను దిగ్విజయంగా ముగించారు. ఉత్సవాల విజయవంతానికి సహకరించిన ప్రతి ఒక్కరికీ దేవాదాయ శాఖ కమిషనర్ కె. రామచంద్ర మోహన్, ఆలయ చైర్మన్ బొర్రా రాధాకృష్ణ, ఈవో వీకే శీనా నాయక్ ధన్యవాదాలు తెలిపారు. గౌరవ ముఖ్యమంత్రి ఆదేశాలు, సూచనల మేరకు భక్తులకు ఎలాంటి ఇబ్బందులు కలగకుండా అన్ని ఏర్పాట్లు చేశామని, పెద్ద సంఖ్యలో తరలివచ్చిన భవానీ భక్తులకు అవసరమైన సదుపాయాలు కల్పించామని పేర్కొన్నారు. అధికారుల సమన్వయం, సిబ్బంది కృషితో ఉత్సవాలు విజయవంతంగా ముగిశాయని తెలిపారు.

స్టాఫ్ రిపోర్టర్: ✍️ ప్రేమ్ రాజ్, విజయవాడ, ఎన్టీఆర్ జిల్లా.