ఆలూరు సాంబ శివారెడ్డిని కలిసిన వైసీపీ మేయర్ అభ్యర్థి సి. రమేష్ గౌడ్ మేయర్ ఎన్నికల్లో సహకారం కోరిన రమేష్ గౌడ్.. నగర అభివృద్ధికి కృషి చేస్తానని వెల్లడి

అనంతపురం బ్యూరో (అనంతపురం బ్యూరో, మేజర్ న్యూస్) : వైఎస్సార్ కాంగ్రెస్ పార్టీ అనంతపురం నగర పాలక సంస్థ మేయర్ అభ్యర్థి సి. రమేష్ గౌడ్ మంగళవారం పార్టీ రాష్ట్ర ప్రధాన కార్యదర్శి, ఎన్నారై విభాగం గ్లోబల్ కోఆర్డినేటర్ ఆలూరు సాంబ శివారెడ్డిని ఆయన స్వగృహంలో మర్యాదపూర్వకంగా కలిశారు. ఈ సందర్భంగా మేయర్ ఎన్నికల్లో తన విజయానికి పార్టీ నాయకులు, కార్యకర్తలు సమష్టిగా కృషి చేయాలని కోరారు.

అనంతపురం నగర అభివృద్ధికి కట్టుబడి పనిచేస్తానని రమేష్ గౌడ్ ఈ సందర్భంగా పేర్కొన్నారు. మేయర్ ఎన్నికల్లో పార్టీ శ్రేణుల మద్దతు, సహకారం ఎంతో కీలకమని అభిప్రాయపడ్డారు. నగరంలోని ప్రజలను చేరుకోవడం, పార్టీ నాయకులు, కార్యకర్తల మధ్య సమన్వయంతో ముందుకు సాగడం వంటి అంశాలపై ఇరువురి మధ్య చర్చ జరిగినట్లు పార్టీ వర్గాలు తెలిపాయి.

రమేష్ గౌడ్ విజయానికి అవసరమైన సహకారం అందించే అంశంపై ఆలూరు సాంబ శివారెడ్డి సానుకూలంగా స్పందించినట్లు వెల్లడించాయి. ఈ భేటీతో మేయర్ ఎన్నికల నేపథ్యంలో వైఎస్సార్‌సీపీ శ్రేణుల్లో మరింత ఉత్సాహం నెలకొంటుందని పార్టీ నాయకులు భావిస్తున్నారు. కార్యక్రమంలో పలువురు స్థానిక పార్టీ నాయకులు, కార్యకర్తలు పాల్గొన్నారు.

రిపోర్టర్ : మొయినుద్దీన్, అనంతపురం బ్యూరో, అనంతపురం.