యాలాల పోలీస్ స్టేషన్‌లో ఘనంగా ఆయుధ పూజలు

యాలాల, మేజర్ న్యూస్: విజయదశమి పర్వదినాన్ని పురస్కరించుకుని యాలాల పోలీస్ స్టేషన్ ఆవరణలో మంగళవారం ఎస్ఐ విఠల్ రెడ్డి ఆధ్వర్యంలో ఆయుధ పూజలు భక్తిశ్రద్ధలతో నిర్వహించారు. ఈ సందర్భంగా పోలీస్ సిబ్బంది తమ ఆయుధాలకు ప్రత్యేక పూజలు చేసి విజయదశమి వేడుకల్లో పాల్గొన్నారు. చెడుపై మంచి సాధించిన విజయానికి ప్రతీకగా నిలిచే విజయదశమి పండుగను ప్రజలంతా సుఖసంతోషాలతో, ప్రశాంత వాతావరణంలో, ఐకమత్యంతో జరుపుకోవాలని పోలీస్ అధికారులు ఆకాంక్షించారు. ఈ కార్యక్రమంలో యాలాల పోలీస్ స్టేషన్ సిబ్బంది, ఇతరులు పాల్గొన్నారు.

రిపోర్టర్: ప్రకాష్ గౌడ్, యాలాల, వికారాబాద్ జిల్లా.