గ్రంథాలయం, బాలికల హాస్టల్ ప్రాంగణాల్లో పారిశుధ్య పనులు: 'సూర్య' కథనానికి తక్షణ స్పందన

వెల్దుర్తి (సూర్య ప్రతినిధి మేజర్ న్యూస్):స్థానిక  గ్రంథాలయం మరియు ప్రభుత్వ బాలికల హాస్టల్ సమీపంలో పేరుకుపోయిన చెత్తాచెదారాన్ని శుభ్రం చేయిస్తూ పంచాయతీ అధికారులు తక్షణ చర్యలు చేపట్టారు.

ఈ ప్రాంతాల్లో పారిశుధ్య లోపం కారణంగా ఎదురవుతున్న ఇబ్బందులపై 'సూర్య' దినపత్రికలో ప్రత్యేక కథనం ప్రచురితమైన విషయం విదితమే. ఈ వార్తకు స్పందించిన అధికారులు వెంటనే సిబ్బందిని రంగంలోకి దించి, ప్రాంగణాలను శుభ్రం చేయించారు.

ప్రజా సమస్యపై పత్రికలో కథనం వచ్చిన వెంటనే స్పందించి, పారిశుధ్య పనులు చేపట్టి సమస్యను పరిష్కరించినందుకు స్థానిక ప్రజలు, విద్యార్థులు 'సూర్య' దినపత్రిక యాజమాన్యానికి మరియు పంచాయతీ అధికారులకు ప్రత్యేక ధన్యవాదాలు తెలిపారు.

సూర్య ప్రతినిధి షేక్ దస్తగిరి కర్నూలు జిల్లా వెల్దుర్తి మండలం