గ్రంథాలయాల ద్వారా విజ్ఞానాన్ని పెంపొందించుకోవాలి మున్సిపల్ చైర్ పర్సన్ రొంగల అనూష

జంగారెడ్డిగూడెం,మేజర్ న్యూస్: గ్రంథాలయాలను దేవాలయంగా చూసుకొని విద్యార్థులందరూ విజ్ఞానాన్ని పెంపొందించు పోవాలని మున్సిపల్ చైర్ పర్సన్ రొంగల అనూష అన్నారు. స్థానిక శాఖా గ్రంధాలయంలో శనివారం 59వ జాతీయ గ్రంథాలయ వారోత్సవాలు ప్రారంభమయ్యాయి. ముందుగా పండిట్ జవహర్ లాల్ నెహ్రూ చిత్రపటానికి పూలమాలలు వేసి నివాళులర్పించారు. అనంతరం జరిగిన సమావేశంకు గ్రంథాలయ అభివృద్ధి కమిటీ చైర్మన్ కొప్పాక శ్రీనివాసరావు అధ్యక్షత వహించారు. ముఖ్య అతిథి చైర్ పర్సన్ అనూష మాట్లాడుతూ దేశ ప్రప్రధమ ప్రధాని జవహర్ లాల్ నెహ్రూకు బాలలంటే చాలా ఇష్టం గనుక ఆయన పుట్టినరోజున బాలల దినోత్సవంగా జరుపుకుంటున్నామని తెలిపారు.గ్రంథాలయం అభివృద్ధికి సహకరిస్తానన్నారు. బాలలు ఎక్కువగా ఫోన్ కు అలవాటు పడుతున్నారని, ఆ అలవాటును విడనాడి పుస్తక పఠన కు ప్రాధాన్యత ఇవ్వాలని సూచించారు.గ్రంథాలయ అభివృద్ధి కమిటీ చైర్మన్ కొప్పాక శ్రీనివాసరావు మాట్లాడుతూ జంగారెడ్డిగూడెం మున్సిపాలిటీ నుండి లక్షలాది రూపాయలు గ్రంథాలయం పెన్సు జమ చేయవలసి ఉందన్నారు. గ్రంథాలయ భవనంకు కనీసం సున్నాలు వేయించుకోలేని పరిస్థితిలో ఉన్నామన్నారు. పైకప్పు నుండి వర్షం కురుస్తోందని తెలిపారు. గ్రంథాలయం కు విలువైన పుస్తకాలు సమకూర్చాలని ఆయన కోరారు. ఈ కార్యక్రమాల్లో కౌన్సిలర్లు రొంగల దేవి ప్రసాద్,గొల్లపూడి శ్రీదేవి,భవన స్థలదాత బుగ్గ హేమ తులసి, డైరెక్టర్స్ ఇనుముల వెంకట పాపారావు, గుళ్ళపూడి వెంకట కామరాజు, గ్రంథాలయ అధికారి పి.దుర్గారావు,సీఎం రాజు, తదితరులు పాల్గొన్నారు. అనంతరం చైర్ పర్సన్ గ్రంథాలయంలో ఉన్న గ్రంధాలు పుస్తకాలు చదువదులకు అందుతున్న సౌకర్యాలను పరిశీలించారు.