గూడూరులో ఘనంగా చే గువేరా వర్ధంతి

గూడూరు, మేజర్‌న్యూస్‌  :   గూడూరు చే గువేరా ఫౌండేషన్ ఆద్వర్యంలో చే గువేరా వర్ధంతిని ఘనంగా నిర్వహించారు. శుక్రవారం చేగువేరా ఫౌండేషన్ కార్యాలయంలో ఆయన చిత్రపటానికి ఫౌండేషన్ ఫౌండర్ సురేష్, అధ్యక్షులు ఆదినారాయణ పూల మాలవేసి నివాళులర్పించారు.ఈ సందర్భంగా  పేదలకు దుప్పట్లు పంపిణీ చేశారు. ఫౌండర్ సురేష్ మాట్లాడుతూ గత 15 సంవత్సరాల కిందట చేగువేరా ఫౌండేషన్ ప్రారంభించడం జరిగిందని కరోనా విపత్కర పరిస్థితుల్లో కూడా ఎన్నో సేవా కార్యక్రమాలు నిర్వహించామని గుర్తు చేశారు. పైలెట్ టీం సభ్యుల సహకారంతో రాబోయే రోజుల్లో కూడా ఎన్నో కార్యక్రమాలు నిర్వహిస్తామని అందరూ సహకరించాలని కోరారు. ఈ కార్యక్రమంలో లక్ష్మీనారాయణ, మణి, తదితరులు పాల్గొన్నారు.