గౌడ సంఘాన్ని మరింత పటిష్టం చేస్తాం*

మండవల్లి /కైకలూరు, మేజర్ న్యూస్, గౌడ సంఘాన్ని రాష్ట్రవ్యాప్తంగా మరింత పటిష్టం చేసి, గౌడ కులస్తుల ఐక్యతను చాటేందుకు కృషి చేస్తామని రాష్ట్ర వ్యవస్థాపక సంఘం అధ్యక్షులు చలపాటి వెంకటేశ్వరరావు, రాష్ట్ర నూతన గౌడ సంఘం అధ్యక్షులు పోసిన చెంచు రామారావులు అన్నారు. రాష్ట్రంలోని అన్ని జిల్లాలు, నియోజకవర్గాలు, మండలాల్లో పటిష్టమైన కమిటీలను ఏర్పాటు చేస్తామని తెలిపారు.ఆదివారం మండవల్లి మండలం అల్లినగరంలోని వినాయక ఉత్సవ మండపం వద్ద జన్ను వీరబాబు ఆధ్వర్యంలో కైకలూరు నియోజకవర్గ గౌడ సంఘం ఆత్మీయ సభ నిర్వహించారు. నియోజకవర్గ గౌడ సంఘం అధ్యక్షులు పోలగాని నాగరాజు, శొంఠి కుమార్ స్వామి సభకు అధ్యక్షత వహించారు.కార్యక్రమానికి చలపాటి వెంకటేశ్వరరావు, పోసిన చెంచు రామారావు, వీరమల్లు నరసింహారావు, ప్రధాన కార్యదర్శి మరీదు శివరామకృష్ణ, పరసా ఏడుకొండలు, వీరంకి రామచంద్రరావు తదితరులు ముఖ్య అతిథులుగా హాజరయ్యారు.ఈ సందర్భంగా పోసిన చెంచు రామారావు మాట్లాడుతూ గౌడ సంఘం బలోపేతానికి సామాజిక ఐక్యత, సంక్షేమం, రాజకీయంగా బలోపేతం కావడం ఎంతో అవసరమన్నారు.త్వరలో విజయవాడ కేంద్రంగా సుమారు పదివేల మంది గౌడ కులస్తుల సమక్షంలో రాష్ట్ర అధ్యక్షుడిగా ప్రమాణ స్వీకారం చేయనున్నట్లు తెలిపారు.సమావేశంలో రాష్ట్ర నాయకులు యార్లగడ్డ గోవర్ధన్, ఉయ్యూరు మురళీ, మండవల్లి మండల అధ్యక్షులు బొర్రా సత్యనారాయణ, నారగాని కొండతో పాటు సంఘ పెద్దలు, నాయకులు పాల్గొన్నారు.

 సంజీవరావు మండవల్లి