గణేష్ మణిరత్నంకు ఘన స్వాగతం

ఏషియన్ గేమ్స్-2026లో కాంస్య పతకం సాధించిన నాయుడుపేట ఆర్చరీ క్రీడాకారుడు గణేష్ మణిరత్నంకు ఘన స్వాగతం లభించింది. ఈ మేరకు జపాన్ ఐచి-నాగోయాలో జరిగిన గేమ్స్ లో పురుషుల కాంపౌండ్ వ్యక్తిగత విభాగంలో చైనా క్రీడాకారుడిపై విజయం సాధించిన గణేష్ రేణిగుంట విమానాశ్రయానికి చేరుకున్నారు.ఈ సందర్భంగా జిల్లా క్రీడాభివృద్ధి శాఖ అధికారి శశిధర్ తెలుగు యువత నాయకులు తానికొండ రంజిత్ నాయుడు, కొట్టే హేమంత్ రాయల్, మధు చౌదరి, దిలీప్ రాయల్, లోకేష్ రాయల్, వంశీకృష్ణ, జ్ఞానేష్ రెడ్డి ఘన స్వాగతం పలికి ఘనంగా సత్కరించారు. ఆర్చరిలో కాంస్య పథకం సాధించి జిల్లాతో పాటు రాష్ట్రానికి గర్వకారణంగా నిలిచారని అభినందించారు. ఇదే స్ఫూర్తితో మరింత ముందుకెళ్లాలని ఆకాంక్షించారు.ఈ కార్యక్రమంలో కుటుంబ సభ్యులు, క్రీడాకారులు, అభిమానులు పాల్గొని పూలమాలలు, శాలువాలతో సత్కరించి అభినందనలు తెలిపారు.

సీఎం గౌడ్ తిరుపతి ప్రతినిధి