ఎన్నికల విధులకు ప్రత్యేక రవాణా ఏర్పాట్లు

నేటి దినపత్రిక సూర్య బ్యూరో రాజమహేంద్రవరంత్వరలో జరగనున్న మున్సిపల్, జెడ్పీటీసీ, ఎంపీటీసీ ఎన్నికల నిర్వహణకు జిల్లాలో 308 రవాణా వాహనాలను సమకూరుస్తున్నట్లు జిల్లా రవాణా అధికారి దేవిశెట్టి శ్రీనివాసరావు తెలిపారు. జిల్లా ఎన్నికల అథారిటీ ఆదేశాల మేరకు మండలాల వారీగా వాహనాలను ఏర్పాటు చేస్తున్నట్లు వెల్లడించారు.ఈ మేరకు ఆర్టీసీ కార్యాలయంలో నిర్వహించిన సమావేశంలో జిల్లా ప్రజా రవాణా అధికారి సత్యనారాయణ మాట్లాడుతూ, ఎన్నికల విధుల కోసం 94 ఆర్టీసీ బస్సులను అందుబాటులో ఉంచుతున్నట్లు తెలిపారు. ఎన్నికల నిర్వహణకు అవసరమైన రవాణా సౌకర్యాలను సమకూర్చేందుకు చర్యలు చేపట్టినట్లు పేర్కొన్నారు. ఈ సమావేశంలో ఆర్టీసీ డిపో మేనేజర్ పాల్గొన్నారు.