ఎన్నికల నియమావళి ని ఖచ్చితంగా పాటించాలి - డి ఎల్ డి వో రమణయ్య

ఆత్మకూరు, మేజర్ న్యూస్ : ఎన్నికల సంఘం సూచించిన నిబంధనల మేరకు నామినేషన్ల ప్రక్రియ చేపట్టాలని ఆత్మకూరు డివిజనల్ డెవలప్మెంట్ ఆఫీసర్ రమణయ్య పేర్కొన్నారు. స్థానిక సంస్థల ఎన్నికల నేపథ్యంలో స్టేజ్ వన్ రిటర్నింగ్ అధికారులకు బుధవారం శిక్షణ కార్యక్రమాన్ని నిర్వహించారు. ఆత్మకూరు డివిజన్ పరిధిలోని ఆత్మకూరు, ఉదయగిరి, వెంకటగిరి నియోజకవర్గాలకు చెందిన 9 మండలాల స్టేజ్ 1 రిటర్నింగ్ అధికారులకు, నామినేషన్ల ప్రక్రియ పై ఈ శిక్షణను ఆత్మకూరులోని మండల పరిషత్ సమావేశ మందిరంలో ఏర్పాటు చేశారు. నామినేషన్ల ప్రక్రియలు తీసుకోవాల్సిన జాగ్రత్తలు పై వారికి అవగాహన కల్పించారు. నామినేషన్ల స్వీకరణ, స్క్రూట్ ని, అప్పీలు వంటి అంశాలపై స్థానికంగా తీసుకోవాల్సిన జాగ్రత్తలను వారికి తెలియజేశారు. అభ్యంతరాలు ఉంటే ఆర్డిఓకు ఆపీళ్లు చేసుకునేందుకు అభ్యర్థులను సూచించాలని వాటిని ఆర్డిఓ స్థాయిలో పరిష్కరించి చివరగా పోరులో నిలిచిన అభ్యర్థుల జాబితాను ప్రకటించాల్సి ఉంటుందని సూచించారు. కార్యక్రమంలో ఎంపీడీవో పఠాన్ రఫీ ఖాన్ తో పాటు పలువురు ఎంపీడీవోలు, రిటర్నింగ్ అధికారులు పాల్గొన్నారు.