ఎంపీటీసీ, జడ్పీటీసీ నామినేషన్లకు భద్రతా ఏర్పాట్లు

రేణిగుంట మేజర్ న్యూస్:  మండలంలో  స్థానిక సంస్థల ఎన్నికల్లో భాగంగా ఈ నెల 21 నుంచి 23వ తేదీ వరకు ఎంపీటీసీ, జడ్పీటీసీ నామినేషన్ల స్వీకరణ నేపథ్యంలో రేణిగుంట ఎంపీడీవో కార్యాలయం వద్ద పోలీస్, పంచాయతీ అధికారులతో సమన్వయ సమావేశం నిర్వహించారు. ఈ సమావేశంలో రేణిగుంట అర్బన్ సీఐ ఎస్. జయచంద్ర, రూరల్ సీఐ మంజునాథరెడ్డి పాల్గొని, నామినేషన్ల ప్రక్రియ ప్రశాంతంగా జరిగేలా భద్రతా చర్యలు, ట్రాఫిక్ నియంత్రణ, అవాంఛనీయ సంఘటనల నివారణపై చర్చించారు. అభ్యర్థులు, ప్రజలకు ఇబ్బందులు కలగకుండా అన్ని శాఖలు సమన్వయంతో పనిచేయాలని సూచించారు. ఎన్నికల ప్రక్రియ ప్రశాంతంగా జరిగేందుకు ప్రజలు పోలీసులకు సహకరించాలని కోరారు.