ఎమ్మిగనూరులో భాజాపాను బలోపేతం చేయాలి

ఎమ్మిగనూరులో బీజేపీని బలోపేతం చెయ్యాలి 
..జిల్లా అధ్యక్షుడు పిలుపు 
ఎమ్మిగనూరు, సూర్య ప్రతినిధి,

ఎమ్మిగనూరు పట్టణంలోని బీజేపీ అసెంబ్లీ కార్యాలయాన్ని బీజేపీ కర్నూలు జిల్లా అధ్యక్షుడు అక్కమతోట రామకృష్ణ, ఆదోని బీఎల్‌ఏ–1 రమేష్ యాదవ్ బుధవారం సందర్శించారు.
ఈ సందర్భంగా పార్టీ బలోపేతం, రాబోయే స్థానిక ఎన్నికలు, ఎమ్మిగనూరు నియోజకవర్గంలోని ముఖ్యమైన అంశాలపై నాయకులు చర్చించారు. నియోజకవర్గంలో పార్టీ కార్యకలాపాల విస్తరణ, కార్యకర్తల సమన్వయం, ప్రజా సమస్యల పరిష్కారానికి స్పందన తదితర అంశాలపై అభిప్రాయాలను పంచుకున్నారు.
అసెంబ్లీ కార్యాలయం భాజపా జిల్లా అధికార ప్రతినిధి గురురాజా దేశాయ్  ద్వారా ప్రజలు, కార్యకర్తల సమస్యల పరిష్కారానికి చేస్తున్న కృషిపై జిల్లా అధ్యక్షుడు రామకృష్ణ సంతృప్తి వ్యక్తం చేశారు. నాయకులు, కార్యకర్తల సమన్వయంతో పార్టీ కార్యక్రమాలను ప్రజల్లోకి మరింత విస్తృతంగా తీసుకెళ్లాలని సూచించారు.