ఎమ్మెల్యే కావ్య కృష్ణారెడ్డిని మర్యాదపూర్వకంగా కలిసిన రాష్ట్రఆర్యవైశ్య కార్పొరేషన్ చైర్మన్ డూండీ రాకేష్

కావలి,  మేజర్ న్యూస్ :   ఆంధ్రప్రదేశ్ రాష్ట్ర ఆర్యవైశ్య కార్పొరేషన్ చైర్మన్ డూండీ రాకేష్ స్థానిక శాసనసభ్యులు కావ్య కృష్ణారెడ్డిని వారి నివాసంలో మర్యాదపూర్వకంగా కలిశారు. ఈ సందర్భంగా చైర్మన్ డూండీ రాకేష్‌కు ఎమ్మెల్యే కావ్య కృష్ణారెడ్డి శాలువా కప్పి ఘనంగా సత్కరించి, హృదయపూర్వకశుభాకాంక్షలు తెలియజేశారు.  అనంతరం నియోజకవర్గానికి చెందిన పలువురు తెలుగుదేశం పార్టీ ముఖ్య నాయకులు, కార్యకర్తలను ఎమ్మెల్యే కావ్య కృష్ణారెడ్డి స్వయంగా డూండీ రాకేష్‌కు పరిచయం చేశారు. నియోజకవర్గ పరిధిలోని సమస్యలు, ఆర్యవైశ్యుల సంక్షేమం, పార్టీ బలోపేతం తదితర అంశాలపై వారు కాసేపు చర్చించారు.ఈ కార్యక్రమంలో కావలి పట్టణ ఆర్యవైశ్య సంఘ ప్రముఖులు కూడా పాల్గొని కార్పొరేషన్ చైర్మన్ డూండీ రాకేష్‌ను శాలువాలు, పూలమాలలతో ఘనంగా సత్కరించి అభినందనలు తెలిపారు. ప్రభుత్వం ఆర్యవైశ్య వర్గాల సంక్షేమానికి అందిస్తున్న సహకారానికి వారు కృతజ్ఞతలు తెలిపారు. ఈ భేటీలో స్థానిక తెలుగుదేశం పార్టీ నాయకులు, కార్యకర్తలు, ఆర్యవైశ్య ప్రముఖులు, తదితరులు పెద్ద సంఖ్యలో పాల్గొన్నారు.