డంపింగ్ యార్డ్ తో కాలుష్యం.... దుర్గంధం.... ఊపిరితిత్తుల వ్యాధులు.

ప్రభుత్వ అధికారులకు వినతిపత్రం ఇచ్చిన గ్రామస్తులు…

ముత్తుకూరు, మేజర్ న్యూస్ :   డంపింగ్ యార్డ్ తో కాలుష్యం, కుళ్ళిన చెత్త మూలంగా దుర్గంధం, ఊపిరితిత్తుల వ్యాధులతో జబ్బుల బారిన పడుతున్నామని మమ్మల్ని కాపాడాలంటూ ఎమ్మార్వో కాలనీ వాసులు ప్రభుత్వ అధికారులను వేడుకున్నారు. ముత్తుకూరు గ్రామపంచాయతీ పరిధిలోని తాసిల్దార్ కార్యాలయం సమీపాన గిరిజన కాలనీ వెంబడి ఉన్న డంపింగ్ యార్డ్ వల్ల పడుతున్న బాధల గురించి గ్రామస్తులు ప్రభుత్వ అధికారులకు బుధవారం వినతి పత్రాన్ని అందజేశారు. పందులు డంపింగ్ యార్డ్ లో సంచరించి మురికితో గ్రామంలోకి వస్తున్నాయని అధికారులకు చెప్పారు. చెత్తను కాలుస్తున్నారని ఆ సమయంలో విష వాయువులు పొగ రూపంలో ఉన్నాయన్నారు. చెత్తంతా మురికి కాలువలకు అడ్డుగా పడి ఉందన్నారు. ప్రభుత్వ అధికారులు స్పందించి శాస్త్రీయ విధానములో చెత్తను సంపదగా మార్పుదల చేస్తూ కాలుష్యం నుంచి జబ్బుల బారి నుండి కాపాడాలని వేడుకున్నారు. ఈ కార్యక్రమంలో గ్రామస్తులు తదితరులు పాల్గొన్నారు