చండీదేవిగా కామాక్షి అమ్మవారు

సిఎస్ పురం,మేజర్ న్యూస్,,విజయదశమి పండుగ సందర్భంగా సిఎస్ పురంలోని శ్రీకామాక్షి సమేత చంద్రమౌళీశ్వరస్వామి దేవస్థానం నందు జరుగుతున్న దేవీశరన్నవరాత్రి ఉత్సవాల సందర్భంగా నాలుగవరోజు బుధవారం శ్రీకామాక్షి అమ్మవారిని చండీదేవి అలంకరణ చేసి పూజలు నిర్వహించారు.ఈసందర్భంగా ఉదయం దేవస్థానం అర్చకులు శ్రీకృష్ణశర్మ అధ్వర్యంలో ఉభయదాతలచే అభిషేకం కుంకుమార్చన పూజలు నిర్వహించి అలంకరణ చేసి పూజలు చేశారు అనంతరం ప్రత్యేక హోమపూజలు నిర్వహించి నైవేద్యం సమర్పించి కర్పూరహారతులు సమర్పించి తీర్ధప్రసాదాలు అందజేశారు.అదేవిధంగా ఐదవరోజు గురువారం ఉదయం కామాక్షి అమ్మవారిని లలితత్రిపురసుందరీదేవి అలంకరణ చేసి పూజలు నిర్వహించారు.ఈసందర్భంగా మహిళా భక్తజనమండలి అధికసంఖ్యలో పాల్గొని భజన సంకీర్తన అమ్మవారి పాటలతో సందడి చేశారు.దేవీశరన్నవరాత్రి ఉత్సవాల సందర్భంగా శ్రీకామాక్షి చంద్రమౌళీశ్వరస్వామి దేవస్థానం ఆవరణ భక్తజనసందడితో కోలాహలం నెలకొన్నది.ఈకార్యక్రమంలో దేవస్థానం అభివృద్ధి కమిటీ ప్రతినిధులు,ఉభయదాతలు నాయుడు నారాయణ,కొమ్మినేని రమణయ్య,చావారమణయ్య దంపతులు,భక్తులు,స్థానికులు పాల్గొన్నారు.