వంగర ఎస్ఐ గా మెరుగు రాజు బాధ్యతల స్వీకరణ

భీమదేవరపల్లి, మేజర్ న్యూస్, భీమదేవరపల్లి మండలంలోని వంగర పోలీస్‌స్టేషన్‌ నూతన ఎస్ఐ గా మెరుగు రాజు గురువారం బాధ్యతలు స్వీకరించారు. గతంలో ఆయన వర్ధన్నపేట పోలీస్‌స్టేషన్‌లో రెండో ఎస్ఐ గా విధులు నిర్వహించారు. ఇక్కడ ఎస్ఐ గా పనిచేసిన దివ్య హనుమకొండ పోలీస్‌స్టేషన్‌కు బదిలీ అయ్యారు. మండలంలో శాంతిభద్రతల పరిరక్షణకు ప్రాధాన్యమిస్తానని, ప్రజలకు అందుబాటులో ఉంటూ సమస్యల పరిష్కారానికి కృషి చేస్తానని రాజు తెలిపారు. అసాంఘిక, చట్టవిరుద్ధ కార్యకలాపాలకు పాల్పడితే చర్యలు తీసుకుంటామని హెచ్చరించారు. ప్రజలు పోలీసులకు సహకరించాలని కోరారు. ఈ సందర్భంగా నూతన ఎస్ఐ కి పోలీస్ సిబ్బంది శుభాకాంక్షలు తెలిపారు.

రిపోర్టర్: రామకృష్ణ ,బీమదేవరపల్లి, హనుమకొండ జిల్లా