చిరుధాన్యాలతో సంపూర్ణ ఆరోగ్యం

అనంతపురం విద్య, మేజర్ న్యూస్ :-ప్రభుత్వ ఆర్ట్స్   కళాశాల  అనంతపురం ఎన్‌ఎస్‌ఎస్‌ విభాగం ఆధ్వర్యంలో బ్రిక్స్‌ సుస్థిర జీవన వారోత్సవాల్లో భాగంగా ఆహారపు అలవాట్లు, చిరుధాన్యాల ప్రాముఖ్యత, ఆహార పదార్థాల పరిశుభ్రతపై అవగాహన కార్యక్రమం నిర్వహించారు. వైస్‌ ప్రిన్సిపాల్‌ శ్రీరాములు అధ్యక్షతన కళాశాల క్యాంటీన్‌ ఆవరణంలో ఈ కార్యక్రమం జరిగింది. ఈ సందర్భంగా శ్రీరాములు మాట్లాడుతూ.. పంటలు, పాలు, పండ్లు, కూరగాయల్లో రసాయనాల వినియోగం పెరుగుతున్న నేపథ్యంలో వాటిని శుభ్రంగా కడిగిన తర్వాతే తీసుకోవాలని సూచించారు. ఎన్‌ఎస్‌ఎస్‌ ప్రోగ్రాం అధికారి డాక్టర్‌ ఎం.ఎన్‌. బృంద మాట్లాడుతూ.. చిరుధాన్యాల్లోని పోషక విలువలు, వాటి ఆరోగ్య ప్రయోజనాలను వివరించారు. చిరుధాన్యాలు జీర్ణక్రియను మెరుగుపరచడంతో పాటు మధుమేహం, రక్తపోటు నియంత్రణకు తోడ్పడతాయని తెలిపారు. మరో అధికారి శ్రీనివాసులు చిరుధాన్యాల ఇతర ప్రయోజనాలను వివరించారు. అనంతరం చిరుధాన్యాల ప్రదర్శన నిర్వహించి, నినాదాలతో అవగాహన కల్పించారు. కార్యక్రమంలో అధ్యాపకులు కేశాలు, మల్లికార్జున, రామకృష్ణ, రామచంద్ర, రమేష్, మంజునాథ్‌, ఎన్‌ఎస్‌ఎస్‌ వాలంటీర్లు, సిబ్బంది పాల్గొన్నారు.

 మల్లికార్జున నేటి దినపత్రిక సూర్య స్టాఫ్ రిపోర్టర్..