చిన్న శ్రీను, సిరమ్మ సమక్షంలో టీడీపీలో చేరిన 600కు పైగా కుటుంబాలు

విజయనగరం, అక్టోబర్ 25, మేజర్ న్యూస్:

విజయనగరం నగరంలోని ధరంపురిలో గల సిరి సహస్ర రైజింగ్ ప్యాలెస్ వద్ద ఆదివారం తెలుగుదేశం పార్టీలో భారీ చేరికలు జరిగాయి. టీడీపీ అరకు పార్లమెంట్ పరిశీలకులు, ఉమ్మడి విజయనగరం జిల్లా మాజీ జడ్పీ చైర్మన్  మజ్జి శ్రీనివాసరావు (చిన్న శ్రీను) ఆయన కుమార్తె మజ్జి సిరి సహస్ర (సిరమ్మ) సమక్షంలో చొల్లంగిపేట, డి.కొల్లాం గ్రామాలకు చెందిన 600కు పైగా కుటుంబాలు తెలుగుదేశం పార్టీలో చేరాయి.

ఈ సందర్భంగా మాజీ సర్పంచులు అట్టాడ కృష్ణ, శ్రీను, కోరాడ కనకరాజు, మాజీ ఎంపీటీసీ గుడివాడ కిరణ్ కుమార్, మాజీ వైస్ సర్పంచులు కర్రి పైడిరాజు, కిరణ్ కుమార్, నాగేశ్వరరావు, సురేష్‌తో పాటు పలువురు వార్డు సభ్యులు, నాయకులు, కార్యకర్తలు టీడీపీ కండువాలు కప్పుకొని పార్టీలో చేరారు.

పార్టీలో చేరిన వారందరికీ చిన్న శ్రీను, సిరమ్మ స్వాగతం పలికారు. ప్రజలతో మమేకమై వారి సమస్యల పరిష్కారానికి కృషి చేస్తూ, పార్టీ బలోపేతానికి సమష్టిగా పనిచేయాలని ఈ సందర్భంగా వారు ఆకాంక్షించారు.

ఈ కార్యక్రమంలో స్థానిక నాయకులు, ప్రజాప్రతినిధులు, టీడీపీ కార్యకర్తలు, అభిమానులు పాల్గొన్నారు.

శ్రీనివాస్ బ్యూరో విజయనగరం