చిలకలూరిపేటలో రేణుక మల్టీ స్పెషాలిటీ హాస్పిటల్ ప్రారంభం ప్రజలకు నాణ్యమైన వైద్య సేవలు అందించాలి: ప్రత్తిపాటి పుల్లారావు

చిలకలూరిపేట సర్య  న్యూస్ 

పట్టణంలోని అడ్డరోడ్డు సెంటర్‌లో నూతనంగా నిర్మించిన రేణుక మల్టీ స్పెషాలిటీ హాస్పిటల్‌ను మాజీ మంత్రి,శాసనసభ్యులు ప్రత్తిపాటి పుల్లారావు ప్రారంభించారు.ఈ కార్యక్రమానికి నరసరావుపేట పార్లమెంట్ సభ్యులు లావు శ్రీకృష్ణదేవరాయలు,నరసరావుపేట శాసనసభ్యులు చదలవాడ అరవిందబాబు హాజరయ్యారు.హాస్పిటల్ ప్రారంభోత్సవం అనంతరం ఆసుపత్రిలో ఏర్పాటు చేసిన ఆధునిక వైద్య పరికరాలను అతిథులు పరిశీలించారు.ఈ సందర్భంగా ప్రత్తిపాటి పుల్లారావు మాట్లాడుతూ హాస్పిటల్ వ్యవస్థాపకులు పూసల వెంకట నారాయణ,డాక్టర్ నార్నె కృష్ణ గీత పూసల చేస్తున్న కృషిని అభినందించారు.ప్రజలకు మెరుగైన వైద్య సేవలు అందిస్తూ,వారి నమ్మకాన్ని పొందాలని ఆకాంక్షించారు.నాణ్యమైన వైద్య సేవలతో ప్రజల ఆదరాభిమానాలను చూరగొంటూ ఆసుపత్రి మరింత అభివృద్ధి చెందాలని మనస్ఫూర్తిగా కోరుకుంటున్నట్లు తెలిపారు.ప్రజలకు ఆధునిక వైద్య సదుపాయాలను అందుబాటులోకి తీసుకురావడం అభినందనీయమని పేర్కొన్నారు.తమ ఆహ్వానాన్ని మన్నించి ముఖ్య అతిథిగా విచ్చేసి ఆసుపత్రిని ప్రారంభించిన ప్రత్తిపాటి పుల్లారావుకు హాస్పిటల్ యాజమాన్యం కృతజ్ఞతలు తెలియజేసింది.అనంతరం ఆయనను ఘనంగా సత్కరించింది.ఈ కార్యక్రమంలో ఆసుపత్రి యాజమాన్యం,వైద్యులు,ఇతర ప్రముఖులు పాల్గొన్నారు.

కొణిదెన నరేంద్ర చిలకలూరిపేట సూర్య ఆర్సి ఇంచార్జ్