ఆత్మకూరులో పూర్తిస్థాయి బందోబస్తుతో నామినేషన్ల ప్రక్రియ -- ఎస్సై జంపానీ కుమార్
ఆత్మకూరు, మేజర్ న్యూస్ : ఆత్మకూరు మండలపరిషత్ కార్యాలయం వద్ద పూర్తి బందోబస్తుతో ఎంపీటీసీ ఎన్నికల నామినేషన్స్ కార్యక్రమం ను పర్యవేక్షణ చేస్తున్నట్లు ఆత్మకూర్ ఎస్సై జంపాని కుమార్ తెలిపారు. తమ స్టేషన్ సిబ్బందితోపాటు అదనంగా ఎన్నికల కోసం వచ్చిన సిబ్బందితో కలిసి ఆత్మకూరు ఎంపీడీవో కార్యాలయం వద్ద పోలీసులు బందోబస్తు నిర్వహిస్తున్నామని ఎస్సై తెలిపారు.ఎటువంటి అవాంఛనీయ సంఘటనలు జరగకుండా ప్రశాంత వాతావరణంలో నామినేషన్స్ ప్రక్రియ నిర్వహించేలా తమపై అధికారుల సూచనలతో నిబంధనలు కచ్చితంగా పాటిస్తూ నామినేషన్ల ప్రక్రియ పర్యవేక్షణ చేస్తున్నామని తెలిపారు. నామినేషన్లు దాఖలా చేసేందుకు వచ్చే అభ్యర్థుల వివరాలను తెలుసుకొని వారిని క్షుణ్ణంగా పరిశీలించి నామినేషన్ కేంద్రానికి అనుమతి ఇస్తున్నామన్నారు. అభ్యర్థితోపాటు మరో ఇద్దరికి మాత్రమే అనుమతి ఇస్తూ పూర్తి పర్యవేక్షణ చేస్తున్నామని ఎస్సై జంపాని కుమార్ తెలిపారు.
