చీఫ్ ఎలక్షన్ కమీషనర్ ను వెంటనే తొలగించాలి

చీఫ్ ఎలక్షన్ కమిషనర్ ను వెంటనే తొలగించాలి 
--సిపీ ఎం ర్యాలీ 
ఆత్మకూరు, మేజర్ న్యూస్, సోమ వెంకటసుబ్బయ్య : దేశ వ్యా ప్త పిలుపులో భాగంగా   వామపక్షాలు  ప్రజా సంఘాల ఆధ్వర్యంలో ఆత్మకూరు పట్టణంలో  శుక్రవారం చీఫ్ ఎలక్షన్ కమిషనర్  రాజీనామా చేయాలని నిరసన కార్యక్రమం చేపట్టడం జరిగింది. ఈ నిరసన కార్యక్రమంలో భాగంగా స్థానిక ఆర్టీసీ బస్టాండ్ నుండి , మున్సిపల్ బస్టాండ్ వరకు   ర్యాలీ నిర్వహించారు. ఈ సందర్భంగా సిఐటియు జిల్లా నాయకులు  జీ.వి. శివప్రసాద్ మాట్లాడుతూ  ఈరోజు సర్ పేరుతో  దేశంలో 13 కోట్ల మందిని  ఓటు హక్కుకు దూరం చేశారన్నారు . అదేవిధంగా  ఫామ్ 6  అనే పేరుతో 18 సంవత్సరాలు  నిండినటువంటి  యువతీ యువకులకు  ఓటు హక్కు అవకాశం లేకుండా  ఈరోజు వారి యొక్క తల్లిదండ్రులు వివరాలు  నమోదు చేయాలని నిబంధనలు పెట్టినందువల్ల  యువతీ యువకులు ఓటు హక్కుకు దూరమవుతున్నారన్నారు . గత పది నెలల నుండి  చీఫ్ ఎలక్షన్ కమిషనర్ తో ఉన్నటువంటి మిగతా ఇద్దరు కమీషనర్లు   వీటన్నింటినీవ్యతిరేకించారని,14 సార్లు వ్యతిరేకించినా కూడా  ఏకపక్షంగా  ఎలక్షన్ కమిషనర్ జ్ఞానేష్ కుమార్  ఈ విధానాన్ని ముందుకు తీసుకొచ్చారన్నారు . వీరి వెనక బిజెపి   మోదీ , అమీత్ షాల యొక్క ప్రోత్బలంతోనే చీప్ ఎన్నికల కమిషనర్  ఈ నిర్ణయాలన్నీ   అమలు చేశాడన్నారు. ఈ విషయంపై దేశవ్యాప్తంగా అన్ని ప్రాంతాలలో జ్ఞానేశ్ కుమార్ రాజీనామా చేయాలని  ప్రజాస్వామ్యాన్ని రక్షించుకోవాలని నినాదంతో  ఈరోజు పెద్ద ఎత్తున నిరసన కార్యక్రమం చేపట్టడం జరిగిందని  తెలిపారు. జ్ఞానేష్ కుమార్  2023లో  అంతకుముందు ఉన్నటువంటి   ఎన్నికల కమిషనర్ చట్టాన్ని 2023లో  మార్చారన్నారు . గతంలో చట్టం ఏ విధంగా ఉండేదంటే  చీఫ్ జస్టిస్ ప్రధాన న్యాయమూర్తి  ప్రధాన ప్రతిపక్ష నాయకుడు అదేవిధంగా ప్రధానమంత్రి  ముగ్గురితో ఉండేటువంటి కమిటీ ఉండేదని,ఆ కమిటీని మార్చి  ప్రధానమంత్రి  ప్రతిపక్ష నాయకుడు సహచర మంత్రివర్యులు  ఉండే విధంగా చట్టాన్ని మార్చారన్నారు .   ఆ చట్టాన్ని  ఇక్కడున్నటువంటి   రెండు పార్టీలు  ఆరోజు ఉన్నటువంటి వైఎస్ఆర్సిపి , తెలుగుదేశం బేషరతుగా మద్దతు ఇచ్చాయన్నారు . ఈరోజు వైఎస్ఆర్సిపి  దాన్ని వ్యతిరేకిస్తుందన్నారు . ఇప్పుడు జరిగే ఆందోళనలో  భాగస్వామ్యం కావాలని. చీఫ్ ఎలక్షన్ కమిషనర్ చేసేటటువంటి  నిర్ణయాలను వ్యతిరేకించాలని  ఎన్నికల కమిషనర్  రాజీనామా చేసేంతవరకు  పోరాటాన్ని ముందుకు తీసుకుపోవాలని  కోరుతున్నామని తెలిపారు.  ఈ కార్యక్రమంలో ప్రముఖ న్యాయవాది  శేషారెడ్డి,సిపిఎం పార్టీ పట్టణ కార్యదర్శి కొప్పోలు డేవిడ్ రాజు , మాజీ మున్సిపల్ వైస్ చైర్మన్  షేక్ సందాని, సిఐటియు మండల అధ్యక్షులు   ఆత్మకూరు నాగయ్య,  సిపిఐ పట్టణ అధ్యక్షులు జంగం నాగరాజు, సిపిఎం పార్టీ నాయకులు  ఎం నాగేంద్ర , ఆళ్ల హాజరత్తయ్య , ఐద్వా నాయకురాలు  గుల్జార్ బేగం , కొండా లక్ష్మమ్మ, రమణయ్య, ప్రజానాట్యమండలి నాయకులు గద్దర్ బాబు,  పెద్ద ఎత్తున, మహిళలు పాల్గొన్నారు.