BREAKING
ఎంపీపీగా సిద్ధి సునీత ప్రమాణ స్వీకారం కొత్త జేమ్స్ బాండ్‌గా రాబర్ట్ ప్యాటిన్సన్.. పియర్స్ బ్రోస్నన్ ఆశీర్వాదం, అభినందనలు అట్టహాసంగా ఎంపీటీసీల ప్రమాణ స్వీకారం మహోత్సవం టైమ్100 నెక్స్ట్ ఇండియా కవర్‌పై ఆలియా భట్.. భారతీయ సినిమా గ్లోబల్ అంబాసిడర్ అంటూ రాజమౌళి ప్రశంసలు భోగాపురం ఎంపీపీ ఎన్నికపై ఉత్కంఠ! వైద్యుల నిర్లక్ష్యంతో వ్యక్తి మృతి.. ఆస్పత్రి ఎదుట బంధువుల ఆందోళన మక్కువ ఎంపీపీగా మావుడి రామలక్ష్మి ఏకగ్రీవంగా ఎన్నిక ఆళ్లగడ్డ మండల ప్రజా పరిషత్ అధ్యక్షులుగా శీలం గీతా వాణి యే ప్రేమ్ మోల్ లియా వర్సెస్ రాకీ ఔర్ రాణీ.. ఆయుష్మాన్ ఖురానా క్లారిటీ! మండల పరిషత్ నూతన కార్యవర్గం ఏర్పాటు - ఎంపీపీగా తర్ర రామకృష్ణ నియామకం రాజగోపాల్ రెడ్డి వ్యాఖ్యలపై కాంగ్రెస్ అధిష్టానం సీరియస్.. రాబర్ట్ ప్యాటిన్సన్ అత్యంత పిరికి జేమ్స్ బాండ్.. క్రిస్టోఫర్ నోలన్ సరదా వ్యాఖ్యలు! గోపవరం మండలంఎంపిపి గా నారపురెడ్డి వేణు జడ్పీ చైర్మన్ల ఎంపికపై కొనసాగుతున్న కసరత్తు.. ఓజెంపిక్, కాస్మెటిక్ సర్జరీ పుకార్లపై ఫ్లోరెన్స్ పగ్ ఘాటు కౌంటర్.. నెటిజన్లకు కీలక సూచన!

భోగాపురం ఎంపీపీ ఎన్నికపై ఉత్కంఠ!

Select Suryaa Now
భోగాపురం ఎంపీపీ ఎన్నికపై ఉత్కంఠ!

*సమయం దాటుతున్నా సమావేశానికి చేరుకోని 10 మంది సభ్యులు.. 

* ఎన్నిక కొనసాగుతుందా? వాయిదా పడుతుందా?

భోగాపురం, మేజర్ న్యూస్:

భోగాపురం మండల పరిషత్ అధ్యక్ష (ఎంపీపీ) ఎన్నిక తీవ్ర ఉత్కంఠకు దారితీస్తోంది. మండల పరిషత్ పీఠాన్ని దక్కించుకునే విషయంలో రాజకీయ సమీకరణాలు అనూహ్య మలుపులు తిరుగుతున్నాయి. మధ్యాహ్నం ఒంటిగంటకు ఎంపీటీసీ సభ్యుల ప్రమాణ స్వీకార కార్యక్రమం పూర్తికాగా, మధ్యాహ్నం మూడు గంటలకు ఎంపీపీ ఎన్నిక నిర్వహించాల్సి ఉంది. అయితే నిర్ణీత సమయం దాటుతున్నప్పటికీ వైఎస్సార్‌సీపీ తరఫున విజయం సాధించిన ఆరుగురు ఎంపీటీసీ సభ్యులు మాత్రమే ఎన్నికల ప్రక్రియలో పాల్గొనేందుకు సిద్ధంగా ఉండటం రాజకీయ వర్గాల్లో చర్చనీయాంశంగా మారింది.

మరోవైపు జనసేన పార్టీకి చెందిన ముగ్గురు, తెలుగుదేశం పార్టీకి చెందిన ముగ్గురు, స్వతంత్ర అభ్యర్థులుగా గెలుపొందిన నలుగురు సభ్యులు సమావేశానికి హాజరుకాకపోవడంతో ఉత్కంఠ మరింత పెరిగింది. మొత్తం 16 మంది సభ్యులతో కూడిన మండల పరిషత్‌లో 10 మంది సభ్యుల గైర్హాజరు రాజకీయ పరిణామాలకు కేంద్రబిందువుగా మారింది. ఎంపీపీ పీఠం దక్కించుకునేందుకు అవసరమైన సభ్యుల మద్దతు కూడగట్టే అంశం ఇప్పటికే రాజకీయంగా ఆసక్తిని రేకెత్తిస్తుండగా, తాజాగా సభ్యుల గైర్హాజరు కొత్త ప్రశ్నలకు తావిస్తోంది. నిర్ణీత సమయంలో సభ్యులు హాజరుకాకపోతే ఎన్నికల అధికారి ఎలాంటి నిర్ణయం తీసుకుంటారు? నిబంధనల ప్రకారం ఎన్నికల ప్రక్రియ కొనసాగుతుందా? లేక వాయిదా పడుతుందా? అన్నది ఇప్పుడు సర్వత్రా చర్చనీయాంశంగా మారింది. మండల పరిషత్ అధ్యక్ష పీఠం ఎవరికి దక్కుతుందన్న ఉత్కంఠకు తెరపడాల్సిన వేళ, సభ్యుల గైర్హాజరుతో రాజకీయ సమీకరణాలు మరోసారి ఆసక్తికరంగా మారాయి.

 రిపోర్టర్:  వై.శ్రీనివాస్, భోగాపురం.